مشکل راستے قسط ٣
(farah ejaz, dearborn, mi USA)
پیاری بیٹی عائیشہ ۔۔۔۔میں جانتی
ہوںجب تم یہ ڈائیری پڑھ رہی ہوگی اس وقت میں اس دنیا سے ناتا توڑ چکی ہونگی
۔۔۔۔۔۔۔۔ وجاہت صاحب کو بھی یہ ہدایت کرنی ہے کے ا س ڈائیری کو صرف تم تک
پہنچانا ہے ۔۔۔۔۔۔۔۔۔ یہ صرف تمہاری امانت ہے ۔۔۔۔۔۔۔سنیئہ کو اس سے لاعلم
رکھا جائے ۔۔۔۔۔تم سوچ رہی ھوگی کے سنیئہ کو کیوں نہیں بتا نا ہے تو میری
جان اس ڈائیری اور اس میں لکھا ھر لفظ صرف تم سے تعلق رکھتا ہے
۔۔۔۔۔۔۔۔۔۔۔۔۔۔۔۔۔۔۔ اور یہ میں قطعی نھیں چاہتی کہ سنیئہ کو اس کے بارے
میں کچھ بھی پتہ چلے ۔۔۔۔۔۔۔
بیٹی یہ ان دنوں کی بات ہے جب میری شادی کو صرف چھے مہینے ہی گزرے تھے
۔۔۔۔۔۔اور ان دنوں ہی مجھے پتہ چلا کے میں پریگننٹ ہوں ۔۔۔۔۔۔۔۔۔۔۔۔۔۔۔۔۔
دانیال یہ خبر سن کر بہت خوش ہوئے ۔۔۔۔۔۔۔۔ خوبصورت بچوں کی پورٹریٹس سے
پورا گھر سجا دیا تھا انہوں نے ۔۔۔۔۔۔۔۔۔ میری ساس نے مجھے کسی بھی کام کو
ہاتھ لگانے سے منع کردیا تھا ۔۔۔۔۔۔ بالکل میری اماں کی طرح خیال رکھ رہی
تھیں۔۔۔۔۔۔ آخر کو وہ تھیں بھی تو میری سگی خالہ ہی نا ۔۔۔۔۔۔ خیر پورا
گھرانا ھی خوش تھا ۔۔۔۔۔۔۔۔ دن مہینوں میں بدلتے جا رہے تھے پھر نوا مہینہ
بھی شروع ھوگیا۔۔۔لیکن نوے مہینے کے شروع دنوں میں ہی میں اچانک باتھروم
میں پھسل کر گرگئی تھی ۔۔۔۔۔۔ جس پر ایمرجنسی میں مجھے میرے سسر سید افتحار
علی اور دانیال ھسپتال لے گئے ۔۔۔۔۔۔۔۔۔ میری او بی ڈاکٹر نزہت نے جب میری
کریٹیکل کنڈیشن کے بارے میں دانیال کو بتایا تو وہ بہت پریشان ہوگئے
۔۔۔۔۔۔۔۔۔
دانیال صاحب بچے اور ماں میں سے ہم کسی ایک کو بچا سکتے ہیں ۔۔۔۔۔
کیا دونوں کو نہیں بچا یا جا سکتا ڈاکٹر ۔۔۔۔۔۔۔۔۔۔۔۔۔۔۔۔۔۔۔
وہ کانپتی آواز میں پوچھنے لگے تو وہ نفی میں سر ہلاتے ہوئے بولیں ۔۔۔۔۔۔
نہیں 35 پرسنٹ چانسز ہیں دونوں کے سروائیو کرنے کے اور ہم اب کسی قسم کا
کوئی رسک نہیں لے سکتے ۔۔۔۔۔۔
ٹھیک ہے ڈاکٹر آ ۔۔۔ آ آپ ذاکرہ کو بچانے کی کوشش کیجئے ۔۔۔۔۔ اللہ نے چاہا
تو اولاد پھر ہو جائگی۔۔۔۔۔۔
اس طرح دانیال نے میرے بچے کی موت کے پروانے پر اپنے دستخط کر دئیے
۔۔۔۔۔۔مجھے آپریشن تھیٹر میں لے جایا گیا ۔۔۔۔۔۔۔ ڈاکٹر نزہت کے لئیے یہ
ایک مشکل آپریشن تھا ۔۔۔۔ تقریباً ڈھائی گھنٹے بعد جب ڈاکٹر نزہت نے آکر
میری زندگی کی خوش خبری دی تو دانیال سجدے میں گر گئے ۔۔۔۔۔۔۔۔
I M Realy Sorry دانیال صاحب زاکرہ اب کبھی ماں نہیں بن سکتیں ۔۔۔۔۔۔
اور دانیال انہیں دیکھتے رہ گئے۔۔۔۔۔۔۔۔۔۔۔۔۔۔۔۔ مجھے تقریباً آدھے گھنٹے
بعد جب ہوش آیا تو اس وقت تک میری گود اجڑ چکی تھی ۔۔۔۔
دانیال مم مے میرا بچہ ۔۔۔۔۔۔۔۔۔۔۔۔۔۔۔
وہ خاموشی سے میری طرف دیکھنے لگے ۔۔۔۔ پھر گلوگیر لہجے میں صرف اتنا کہا
۔۔۔۔۔۔۔۔۔۔۔۔
حوصلہ رکھو زاکرہ الله کو یہی منظور تھا ۔۔۔۔۔۔
اور میں تڑپ تڑپ کر رونے لگی ۔۔۔۔۔ الله سبحان و تعلی نے مجھے اتنی بڑی
نعمت دے کر واپس لے لی تھی ۔۔۔۔۔۔تو پھرمجھے قرار کیسے آتا ۔۔۔خالہ اماں
بھی روتے ہوئے مجھے سبھالنے کی کوشش کر رہی تھیں ۔۔۔۔۔۔ لیکن میں ان سے
سنبھل نہیں پا رہی تھی ۔۔۔۔۔ میری حالت دیکھ کر میرے سسر اور دانیال بھی
رونے لگے تھے ۔۔۔۔۔
کیا میں اندر آسکتی ہوں ؟
ایک خوبصورت زنانہ آواز پر دانیال پلٹے تو ایک انتہائی حسین و جمیل عورت کو
کھڑے پایا ۔۔۔۔وہ دروازے پر کھڑی اندر آنے کی اجازت مانگ رہی تھی ۔۔۔۔۔۔
جی آئیے ۔۔۔۔۔۔
دانیال صرف اتنا ہی کہہ سکے ۔۔۔۔۔۔۔ وہ اتنی حسین تھی کہ تھوڑی دیر کو ہم
سب ھی اپنا دکھ بھول کر اس حور نما عورت کو دیکھنے لگے ۔۔۔۔ وہ شاہانہ
انداز سے چلتی ہوئی کمرے کے وسط میں آکر کھڑی ہوگئی ۔۔۔۔ اس کی چال میں ایک
شاہانہ تمکنت سی تھی۔۔۔۔۔ لامبا قد اور سفید میکسی ٹائپ کپڑے پہنے ہوئے تھی
۔۔۔۔۔۔ سر کے بالوں کو سفید چادر میں چھپائے وہ صرف مجھے دیکھ رہی تھی
۔۔۔۔۔۔
اسلام و علیکم ذاکرہ ۔۔۔۔۔۔
وعلیک ۔۔۔۔۔۔ کم اسسالام ۔۔۔۔۔۔
میں ہکلاتے ہوئے اسے سلام کا جواب دیا ۔۔۔وہ اتنی خوبصورت تھی کے تھوڑی دیر
کےلئے میں اپنا غم بھول گئی تھی ۔۔۔۔۔۔۔ وہ مسکراتے ہوئے میرے نزدیک آگئی
۔۔۔۔۔اور میرے پہلو میں کچھ رکھتے ہوئے بولی ۔۔۔۔۔۔
اس کو تم اپنی اولاد کی طرح پالنا ۔۔۔۔۔۔۔ میں اپنی امانت تمہارے پاس چھوڑ
کر جا رہی ہوں ۔۔۔۔۔۔۔۔
اور میں ایک ٹک اسے دیکھے گئی ۔۔۔۔۔ اس نے میرے پہلو میں کسے لٹایا تھا اس
طرف تو نظر ہی نہ گئی ۔۔۔۔۔وہ مسکراتی نگاہوں سے مجھےدیکھتے ہوئے پلٹ گئی
۔۔۔۔ اس کے کمرے سے نکلتے ہی کسی ننھے وجود کی کلکاریوں کی آواز نے مجھ
سمیت سب کا دھیان اپنی طرف کھینچ لیا ۔۔۔۔ سفید چادر میں لپٹا ایک چھوٹا سا
سنہرا وجود کل کاریاں مارتا ہوا اپنے ننے مننے ہاتھوں کو میری طرف بڑھائے
میری گود میں آنے کو جیسے بیتاب تھا ۔۔۔۔میں نے تڑپ کر اسے اٹھا لیا ۔۔۔۔
ارے یہ کیا ۔۔۔۔۔۔۔
خالہ اماں نے حیرت سے اس ننے وجود کو دیکھ کر کہا تھا ۔۔۔۔ دانیال اور خالو
جان بھی میرے بیڈ کے قریب آکر کھڑے ہوگئے ۔۔۔۔
دانیال دیکھو تو کتنی حسین بچی ہے یہ ۔۔۔۔۔۔۔
خالہ اماں بولیں ۔۔۔۔۔۔۔
ہاں واقعی ۔۔ کتنی حسین ہے یہ بچی ۔۔۔لیکن وہ عورت اسے کیون چھوڑ کرچلے گئی
۔۔۔۔۔ میری تو یہ سمجھ میں نہیں آرہا ۔۔۔۔۔۔۔
خالو جان بولے ۔۔۔۔۔دانیال کچھ نہ بولے بس میرے نزدیک خاموش کھڑے کبھی مجھے
اور کبھی اس بچی کو دیکھ رہے تھےمحویت سے ۔۔۔۔۔
بابا میں نے ایک فیصلہ کر لیا ہے ۔۔۔۔۔
کیسا فیصلہ دانیال ؟ ۔۔۔۔۔۔
خالو سوالیا انداز میں ان سے پوچھنے لگے ۔۔۔۔۔۔۔۔
میں اس بچی کو گود لینا چاہتا ہوں ۔۔۔۔۔۔
تمہارا دماغ تو نہیں چل گیا ۔۔۔۔۔ ہم اس کے بارے میں کچھ نہیں جانتے ۔۔۔۔
کون ہے یہ ؟ ۔۔۔۔ اسکی ماں یہاں کیوں چھوڑ گائی ؟ ۔۔۔۔۔۔۔اورکیا پتہ کس کی
اولاد ہے ۔۔۔۔۔
کچھ بھی جانے کی مجھے حاجت نہیں ہے بابا ۔۔۔۔ یہ آج سے میری اور زاکرہ کی
بیٹی ہے ۔۔۔۔۔ اور آپ کے لئے اتنا ہی کافی ہے کہ یہ آپ کی پوتی ہے آج سے
اور بس ۔۔۔۔ آپ تو جانتے ہیں زاکرہ اب ماں نہیں بن سکتی ۔۔۔۔ اور آج نہیں
تو کل مجھے کوئی بچہ گود لینا ہی پڑتا ۔۔۔۔ پھر کیوں نہ اس بچی کو اپنا لوں
۔۔۔۔۔
لیکن خاندان میں کیا کہو گے ؟
خالہ اماں نے دانیال سے سوال کیا ۔۔۔۔۔۔
اس وقت کسی کو پتہ نہیں ہے امی کے زاکرہ نے ایک مردہ بچے کو جنم دیا ہے
۔۔۔۔ آپ سمجھ رہی ہیں نا میں کیا کہنا چھاتا ہوں ۔۔۔۔۔۔۔۔
خالہ اماں نے پوچھا تو وہ ماں کے نزدیک آکر ان کے شانوں پر ہاتھ رکھتے ہوئے
بولے ۔۔۔۔۔۔
اس کا تو دماغ خراب ہو گیا ہے ۔۔۔۔ اور تم شازیہ بیگم تم تو ہوش سے کام لو
۔۔۔۔۔۔ ہم کسی اور کے بچے کو اپنا کیسے سکتے ہیں ۔۔۔۔۔ اور شرعی طور سے بھی
یہ غلط اقدام ہوگا ۔۔۔۔۔
آپ کیوں نہیں سمجھ رہے ہیں افتخار زاکرہ اب ماں نہیں بن سکتی اور نہ ہی
دانیال دوسری شادی کے لئے رازی ہوگا ۔۔۔۔ اور نہ میں اور آپ ایسا چاہینگے
۔۔۔۔پھر آج نہیں تو کل کوئی بچہ ہی گود لینا پڑے گا ۔۔۔۔ وہ عورت خود اس
بچی کو زاکرہ کی گود میں ڈال کر گئی ہے ۔۔۔۔ اب جہاں تک اس کے ماں باپ کون
تھے تو اس بات کو رہنے دیجئے ۔۔۔آج سے دانیال اور زاکرہ ہی اس کے ماں باپ
ہیں ۔۔۔۔۔۔۔ اور ابھی کسی کو پتہ بھی نہیں ھے کہ زاکرہ نے ایک مردہ بچے کو
جنم دیا ہے ۔۔۔۔۔ کوئی سوال نہیں پوچھے گا ۔۔۔اور جہاں تک شرعی مسئلے کا
تعلق ہے گود لینے کا تو زاکرہ کو نوا مہینہ لگ چکا تھا ۔۔۔۔ وہ اس کی رضاعی
ماں بنجائے گی ۔۔۔۔ آپ سمجھدار ہیں افتخار آپ جانتے ہیں ۔۔۔۔۔ میں کیا کہنا
چاہتی ہوں ۔۔۔۔ یہ رشتہ اور بھی پیارا اور پاکیزہ رشتہ بن جائے گا ۔۔۔
وہ خالو جان کو سمجھا رہی تھیں ۔۔۔۔۔ اور خالو خاموش کھڑے خالہ اماں کو
دیکھ رہے تھے ۔۔۔۔ پھر میرے بیڈ کی طرف آکر کھڑے ہوگئے ۔۔۔۔۔ میں بچی کو
سینے سے لگائے چپ چاپ ان کے فیصلے کو سننے کی منتظر تھی ۔۔۔۔۔ انکو قریب
آتا دیکھ کر میں رونے لگی ۔۔۔۔۔
نہیں خالو جان میں بچی نہیں دونگی ۔۔۔۔۔ مجھ پر رحم کریئے ۔۔۔ یہ ۔۔۔۔یہ
میری بیٹی ہے پلیز خالو ۔۔۔۔۔۔۔۔۔۔
بیٹی کیا تم اپنے خالو کو اتنا ظالم سمجھتی ہو ۔۔۔اور ویسے بھی یہ میری
پوتی ہے میں اسے کسی اور کے حوالے کیسے کرونگا بھئی ۔۔۔۔۔
انہوں نے مسکراتے ہوئے میرے سر پر ہاتھ رکھ دیا ۔۔۔۔۔۔ اور پھر بچی کو میری
گود سے لیکر اس کی پیشانی پر پیار کرنے لگے ۔۔۔۔۔۔۔۔
آج سے اس کا نام عائیشہ دانیال علی ہے ۔۔۔۔۔۔ بول دیتا ہوں دانیال کے پورا
نام برتھ سرٹیفکیٹ پر لکھنا اس کا ۔۔۔۔ ورنہ تمہاری شامت ہے برخوردار
۔۔۔۔۔۔
اور میں دل ہی دل میں الله کا شکر ادا کرنے لگی ۔۔۔۔ ڈاکٹر نزہت کی مدد سے
برتھ سرٹیفکیٹ بھی بن گیا ۔۔۔۔ اور میں اس بچی یعنی تمہیں لئے گھر بھی آگئی
۔۔۔۔ جو بھی تمہیں دیکھتا دیکھتا ھی رہ جاتا ۔۔۔اتنی حسین بچی پورے خاندان
میں کسی کی بھی نہیں تھی ۔۔۔۔۔ دانیال کے ایک ہی چاچا تھے اور وہ بھی
بےاولاد تھے ۔۔۔۔ خاندان تو میرا بڑا تھا ۔۔۔۔لیکن میرے خاندان میں بھی
لڑکیاں کم تھیں ۔۔۔۔ البتہ لڑکے بھرے پڑے تھے ۔۔۔۔۔ اس وجہ سےتم سب کی آنکھ
کا تارا بن گئیں ۔۔۔۔ پیار سے میں تمہیں چھوٹی سی اپسرا کہنے لگی ۔۔۔۔۔۔
دانیال تمہارے بغیر ایک منٹ بھی نہیں رہتے تھے ۔۔۔۔ اور دادا ،دادی کا بھی
وہی حال تھا ۔۔۔ دانیال کا چھوٹا سا کاروبار تمہارے آنے کے بعد تیزی سے
پھیلنے لگا ۔۔۔ خالہ اماں روز تمہارا صدقہ دیتی تھیں ۔۔۔۔ دو سال یونہی بیت
گئے ۔۔۔۔ تم چلنے لگی تھیں کہ ایک دن میری طبعیت خراب ہوگئی ۔۔۔۔ ڈاکٹر کے
پاس جانے پر پتہ چلا کے میں پھر سے ماں بننے والی ہوں ۔۔۔۔۔ ڈاکٹر نزہت
حیران تھیں ۔۔۔۔ اور ہم سب حیران ہونے سے زیادہ خوش تھے۔۔۔۔۔ شاید الله
سبحان و تعالیٰ نےمعجزہ دکھا دیا تھا۔۔۔۔ میں پھر ایک بیٹی کی ماں بن گئی
۔۔۔۔۔۔ لیکن تم سے محبت میں کمی نہ آئی بلکہ کچھ اور بڑھگئی ۔۔۔۔ سنیئہ کو
ہم چاہتے تھے لیکن تم سے ہمیں عشق تھا بیٹی ۔۔۔۔۔۔۔۔ ہماری دنیا مکمل ہوگئی
تھی ۔۔۔۔ میں جتنا الله کا شکر ادا کرتی کم تھا ۔۔۔۔۔ دانیال کہا کرتے تھے
کہ ۔۔۔۔۔۔۔
الله نے اگر بیٹا نہیں دیا تو کیا ہوا ۔۔۔۔ میری بیٹیاں الله نے بیٹوں سے
بڑھ کر دی بیں ۔۔۔۔۔۔۔
تم کو دیکھ کر انکی صبح ہوتی تھی ۔۔۔۔ اور چاہے کتنے ہی تھکے ہوئے کام سے
لوٹ تے لیکن تمہاری ایک مسکان انہیں تازہ دم کردے تی ۔۔۔۔۔۔۔۔۔
بیٹیوں سے اتنی محبت بھی ٹھیک نہیں ۔۔۔۔ یہ تو پرایا دھن ہوتی ہیں دانیال
۔۔۔۔۔۔۔
میں اکثر انہیں سمجھاتی تو وہ ہنس دیتے ۔۔۔۔۔۔۔۔۔۔۔۔۔۔۔۔۔۔۔۔۔
ارے بیٹیاں تو الله کی رحمت ہوتی ہیں ۔۔۔ اور میں الله کا شکر گزار بندہ
ہوں زاکرہ ۔۔۔۔۔۔
اس بات پر ان کی میں بھی ہنس دیتی ۔۔۔۔۔۔۔ ٹھیک ہی تو کہ رہے تھے ۔۔۔۔۔۔
زندگی یونہی ہنستے مسکراتے گزر رہی تھی ۔۔۔۔ ایک سال اور بیت گیا ۔۔۔۔۔ اور
پھر اچانک کچھ عجیب و غریب واقعات ہونے لگے ۔۔۔۔۔تم چار سال کی اور سنیئہ
ایک سال کی ہو چکی تھیں ۔۔۔۔۔ خالو جان اور خالہ اماں ان دنوں اسلام آباد
گئے ہوئے تھے ۔۔۔۔۔ اور دانیال بزنس ٹرپ پر سنگاپور گئے ہوئے تھے ۔۔۔۔۔ میں
گھر پر اکیلی تم دونوں کے ساتھ تھی ۔۔۔۔۔۔ اس دن بھی میں تم دونوں کو سلا
کر عشاءکی نماز ے فراغت کے بعد لائبریری میں بیٹھی تفسیرالقرآن پڑھنےمیں
محو تھی کہ اچانک مجھے کچھ عجیب سا محسوس ہونے لگا ۔۔۔۔ جیسے میں اکیلی
نہیں کوئی اور بھی کمرے میں میرے علاوہ موجود ہے ۔۔۔۔۔ میں نے پڑھتے پڑھتے
اپنے چاروں اور نظر دوڑائی تو وہاں کوئی بھی نہیں تھا ۔۔۔۔۔۔ میں اسے اپنا
وہم سمجھ کر پھر تفسیرالقرآن پڑھنے لگی تھی کہ اچانک شیلف سے کتابیں خود
بخود گرنے لگیں ۔۔۔۔۔ میں گھبرا کر اٹھ کھڑی ہوئی ۔۔۔۔۔۔ ایسا لگ رہا تھا
کے کوئی نادیدہ وجود کتابوں کو شیلف سے باہر نکال کر پھینک رہا ہے
۔۔۔۔۔سوائے دینی کتابوں کے اور قرآن کے باقی نادر کتب کا ایک چھوٹا سا ڈھیر
فرش پر بکھرا پڑا تھا ۔۔۔۔۔ میں خوف سے اپنی جگہ جم سی گئی تھی ۔۔۔۔ ایسا
لگ رہا تھا کے کسی نے میرے پیروں کو جکڑ رکھا ہے ۔۔۔۔۔ میں اپنی مرضی سے ہل
بھی نہیں سکتی تھی ۔۔۔۔۔۔ کہ اچانک خاموشی چھا گئی ۔۔۔۔ اور پھر اچانک رونے
اور کسی کےمعافی مانگنے کی آوازیں آنےلگیں ۔۔۔۔۔۔۔ جیسے کوئی بہت تکلیف میں
ہو اور کوئی اسے پیٹ رہا ہو ۔۔۔۔۔۔۔۔ اب ایسا محسوس ہورہا تھا کہ کوئی اور
نادیدہ وجود بھی لائبریری میں موجود ہو ۔۔۔۔۔۔۔ اور پھر آوازیں معدوم ہوتی
گئیں ۔۔۔۔۔۔ اور پھر ایک دم سناٹا چھا گیا ۔۔۔۔ میں چند لمحے پھٹی پھٹی
آنکھوِں سے اردگرد کا جائزہ لینے کی کوشش کرتی رہی ۔۔۔۔۔ بہرحال میں خود کو
ہلا جلا سکتی تھی ۔۔۔۔۔
اف میرے خدا یہ سب کیا تھا ۔۔۔۔۔۔۔۔
میں زیرلب بڑ بڑائی تھی ۔۔۔۔۔۔ اور کرسی پر بیٹھ کر اپنے حواس بحال کرنے
لگی ۔۔۔۔ جو کچھ ابھی اس کمرے میں ہوا تھا وہ مجھے محض اپنا وہم لگا تھا
۔۔۔۔۔۔ لیکن جب لائبریری کی ابتر حالت پر نظر پڑتی تو یقین سا ہو نے لگتا
تھا ۔۔۔۔۔ میں جلدی جلدی آیت الکرسی کا ورد کرنے لگی ۔۔۔۔۔۔۔۔ لائبریری کی
صفائی کر کے اور کتابوں کو دوبارا شیلف میں رکھ کر میں اپنے کمرے میں آکر
لیٹ گئی ۔۔۔۔۔۔ پھر اکثر کچھ عجیب واقعات ہونے لگے ۔۔۔۔۔ میں صبح تم لوگوں
کو اٹھانے آتی تو تم دونوں کےسرہانے مجھے چاندی کے ورق میں لپٹی چاکلیٹس
ملتیں ۔۔۔۔۔۔ تو کبھی کھلونے ۔۔۔۔۔ دانیال کے آنے کے بعد میں نے اس رات کا
واقعہ انہیں سنایا تو پہلے وہ یقین ہی نہیں کر رہے تھے ۔۔۔۔۔ لیکن جب
چاکلیٹس اور کھلونے تم لوگوں کے سرہانے سے ملنے لگے تو وہ بھی تھوڑے فکرمند
ہو گئے ۔۔۔۔ لیکن یہ بات ھم نے خالہ اماں اور خالو جان کو نہیں بتائی ۔۔۔
تاکہ وہ پریشان نہ ہو جائیں۔۔۔۔ایک صبح ھم دونوں فجر کی نماز پڑھ کر ابھی
فارغ ہی ہوئے تھے کہ ڈور بیل بجنے لگی ۔۔۔۔۔۔۔
اتنی صبح کون آسکتا ہے ۔۔۔۔۔۔۔
دانیال یہ کہتے ہوئے باہر جانے لگے تو میں بھی انکے پیچھے باہر چلی
آئی۔۔۔۔۔
کون ہے ۔۔۔۔۔۔
وہ گیٹ کے پاس پہنچ کر پوچھنے لگے ۔۔۔۔۔۔۔ لیکن ان کی بات کا کسی نے جواب
نہیں دیا۔۔۔۔۔ تو وہ گیٹ کھولنے لگے ۔۔۔۔۔
آپ ۔۔۔۔۔ آا ئیے ۔۔۔۔۔۔
وہ یہ کہتے ہوئے کسی کو اندر آنے کا راستہ دیتے ہوئے خود ایک طرف ہوگئے
۔۔۔۔ انکی اس بات پر میں چونکی تھی ۔۔۔۔۔ اور آنے والی شخصیت کو دیکھنے لگی
۔۔۔۔ سروقد سراپے والی ایک عورت کو اندر آتا دیکھ کر میں وہیں کھڑی رہ گئی
۔۔۔۔۔۔ وہ وہی تھی جو ہسپتال میں تمہیں میرے حوالے کر گئی تھی
۔۔۔۔۔۔۔۔۔۔۔۔۔۔۔ میرےقدم وہیں جم کر رہ گئے ۔۔۔۔۔۔۔۔
××××××××××××××××
باقی آئندہ ۔۔۔۔۔۔۔۔۔۔۔۔۔ |
|