مشکل راستے ١٤

حوریہ سے دوستی کیا ہوئی ان کی زندگی میں جیسے بہار آگئی تھی ۔۔۔۔۔۔۔۔۔۔۔ بہت خوش رہنے لگے تھے وہ ۔۔۔۔۔۔۔۔۔ وہ بہت معصوم سی تھی ۔۔۔۔۔۔۔۔ شرم و حیا سے مالا مال ۔۔۔۔ لمبی ڈھیلی ڈھالی قمیزیں پہنتی تھی اس زمانے کی لڑکیوں کی طرح چست چھوٹی قمیزوں اور بیل باٹم جیسے واہیات کپڑوں میں انہوں نے اسے کبھی نہیں دیکھا تھا ۔۔۔۔۔۔ بھر کر دوپٹہ اوڑھتی تھی ۔۔۔۔ بال یا تو کھلے رکھتی یا پھر ڈھیلی چوٹی پشت پر غضب ڈھاتی ۔۔۔۔۔۔۔۔۔۔۔۔۔ سیدھی سادی سی وہ لڑکی ان سے ہر ٹاپک پر بلا جھجک بات کر لیتی تھی ۔۔۔۔۔۔۔۔۔ اس کی نالیج بہت زبردست تھی ۔۔۔۔۔۔۔۔۔ چاہے وہ بزنس سے متعلق گفتگو ہو یا ادب سے متعلق بحث چل رہی ہو ۔۔۔۔۔۔۔۔۔۔ وہ بہت اچھے طریقے سے کسی بھی موضوع پر بلا جھجک بات کرتی تھی ۔۔۔۔۔۔۔۔۔۔۔ وہ نہ صرف حسین تھی بلکہ ذہانت کی دولت سے بھی مالا مال تھی ۔۔۔۔۔۔۔ قدرت نے حسن اور ذہانت کو ایک ہی کوزے میں بند کردیا تھا۔۔۔۔۔۔۔۔۔۔ لیکن ایک عجیب بات تھی وہ ہمیشہ ان سے تنہائی میں ہی ملتی تھی ۔ کبھی سمندر کے کنارے تو کبھی کسی خاموش گوشے میں ۔۔۔۔۔۔۔۔ جب وہ اسے کسی ریسٹورنٹ یا کسی پبلک پلیس پعر ملنے کا کہتے تو ہمیشہ اس کا ایک ہی جواب انہیں سننے کو ملتا ۔۔۔۔۔۔۔۔۔۔۔۔

آپ پلیز مجھے اس کے لئے مجبور نہ کریں ۔۔۔۔۔۔ مجھے لوگوں کی باتوں ان کی بدگمانیوں سے ڈر لگتا ہے ۔۔۔۔۔۔ اس لئے ہمارا اس طرح ملنا ہی ٹھیک ہے ۔۔۔۔۔۔

اور یہ سن کر وہ خاموش ہوجاتے تھے ۔۔۔۔۔۔۔۔ محبت کب امر بیل کی طرح انکی رگ جاں سے لپٹ گئی تھی انہیں پتہ بھی نہ چلا ۔۔۔ایک دن وہ اس کے ساتھ سمندر کے کنارے بیٹھے ہوئے تھے ۔۔۔۔ اور وہ انکی کسی بات پر ہنس رہی تھی تب ۔۔۔۔۔۔۔۔۔۔۔۔۔۔۔۔۔۔

کیا میں تمہارے والدین سے مل سکتا ہوں ۔۔۔۔۔۔۔۔۔۔

انہوں نے پوچھا تو ایک دم وہ ہنستے ہنستے خاموش ہوگئی اور پریشانی سے انہیں دیکھنے لگی ۔۔۔۔۔۔۔۔۔۔۔

نہیں ۔۔۔۔۔۔۔۔۔۔۔۔۔

کیوں نہیں؟

اس کے انکار پر بیتابی سے پوچھنے لگے ۔۔۔۔۔۔۔۔۔۔۔۔۔

آخر آپ میرے والدین سے کیوں ملنا چاہتے ؟

وہ الٹا ان سے پوچھنے لگی ۔۔۔۔۔۔۔۔۔۔۔۔

تمہیں پانے کے لئے ۔۔۔۔۔۔۔۔۔۔۔

لیکن یہ ناممکن ہے ۔۔۔۔۔۔۔۔۔۔۔۔۔۔ میں آپ کے بارے میں ایسا نہیں سوچھتی ۔۔۔۔۔۔۔۔۔۔

تم جھوٹ کہہ رہی ہو ایسا ہو ہی نہیں سکتا ۔۔۔۔۔۔۔۔۔۔۔

وہ اس کی بات سن کر مسکراتے ہوئے بولے تو وہ ایک دم اٹھ کھڑی ہوئی ۔۔۔۔۔۔۔۔۔۔

کیا مطلب ہے آپ کا ؟

وہ ناراض لہجے میں بولی تھی ان سے ۔۔۔۔۔۔۔۔۔۔۔۔۔۔

جو سچ ہے وہی کہہ رہا ہوں تم سے ۔۔۔۔۔۔۔۔۔۔ جتنا میں تمہیں چاہتا ہوں اتنا تم بھی مجھے چاہتی ہو ۔۔۔۔۔۔۔۔۔۔۔ اور یہ میں دعوے کے ساتھ کہہ سکتا ہوں ۔۔۔۔۔۔۔۔۔۔۔

وہ پر یقین لہجے میں بولے ۔۔۔۔۔۔۔۔۔

لیکن میں آپ سے محبت نہیں کرتی اور یہی سچ ہے ۔۔۔۔۔ اور میں نے شروع میں ہی آپ سے کہہ دیا تھا میں صرف آپ کی دوستی چاہتی ہوں محبت نہیں ۔۔۔۔۔۔۔ لیکن مجھے لگتا ہے آپ نے مجھے غلط سمجھ لیا ہے ۔۔۔۔۔۔ اس لئے مزید یہ دوستی آگے نہیں چل سکتی ۔۔۔۔۔۔۔۔۔۔

وہ یہ کہہ کر مڑ گئی اور جانے لگی ۔۔۔۔۔۔۔۔

ٹھہرو حوریہ ۔۔۔۔۔۔۔۔۔۔۔ ایک آخری بات سنتی جاؤ ۔۔۔۔ اس کے بعد میں تمہیں پھر کبھی نہیں ملونگا ۔۔۔۔۔۔۔۔۔۔۔۔۔

وہ رک گئی لیکن ان کی طرف مڑی نہیں ۔۔۔۔۔۔۔۔۔۔۔۔

اگر تم یہ کہتی ہو کہ تمہیں مجھ سے محبت نہیں تو تمہاری آنکھیں تمہارا ساتھ کیوں نہیں دے تیں ۔۔۔۔۔۔۔۔۔ اگر تم کہتی ہو کے ہم صرف اچھے دوست تھے تو میری ذرا سی تکلیف بھی تمہیں کیوں برداشت نہیں ہوتی ۔۔۔۔۔۔۔۔۔ میں ریا کار نہیں ہوں اور نہ ہی منافق ہوں ۔۔۔۔۔۔۔۔۔۔ لیکن شایدمیں نے محبت کر کے گناہ کر لیا ہے ۔۔۔۔۔۔۔۔۔ میں وعدہ کرتا ہوں اب میں تمہارے سامنے کبھی نہیں آؤنگا ۔۔۔۔۔۔۔۔۔۔۔ شاید والدین کو ہرٹ(Hurt) کرنے کی ۔۔۔۔۔۔۔ انکی نافرمانی کرنے کی مجھے سزا ملی ہے ۔۔۔۔۔۔۔۔۔۔ اس میں سارا قصور میرا ہے ۔۔۔۔۔۔۔۔۔۔۔۔ اچھا اللہ حافظ ۔۔۔۔۔۔۔جہاں رہو خوش رہو ۔۔۔۔۔۔۔۔۔۔۔۔۔۔۔

پھر وہ رکے نہیں تیزی سے اس کے پاس سے گزرتے ہوئے اپنی گاڑی کی طرف بڑھ گئے ۔۔۔۔۔۔۔۔۔۔۔۔ بلوچی خون ان کی رگوں میں دوڑ رہا تھا ۔۔۔۔۔۔۔۔۔ بے شک وہ حوریہ سے محبت کرتے تھے لیکن انہیں اپنی عزت نفس اپنی محبت سے زیادہ پیاری تھی ۔۔۔۔۔۔۔۔۔۔۔۔۔۔۔۔۔۔۔۔۔

حوریہ وہیں کھڑی انہیں جاتا ہوا دیکھ رہی تھی ۔۔۔۔۔ روکنا چاہتی تھی لیکن روک نہ پائی ۔۔۔۔۔۔۔۔۔۔ جو شخص اس کی زندگی میں ایک انوکھے اور خوبصورت انداز سے داخل ہوا تھا ۔۔۔۔۔ اسے آج شاید وہ کھوچکی تھی ۔۔۔۔۔۔۔۔۔۔۔۔۔۔

میں آپ کے قابل نہیں ہوں جمال ۔۔۔۔۔۔۔۔۔۔۔ میں آپ کے قابل نہیں ہوں ۔۔۔۔۔۔

وہ نہایت مدھم لہجے میں انہیں دور جاتے ہوئے دیکھ کر بولی تھی ۔۔۔۔۔۔۔۔۔

حوریہ بی بی ۔۔۔۔۔۔ چلیئے ۔۔۔۔۔۔۔۔۔۔۔ رات ہونے سے پہلے ہمیں یہاں سے واپس جانا ہے ۔۔۔۔۔۔۔۔۔۔۔

کوئی اندیکھا وجود سرگوشی میں بولا تو وہ آنسوؤں کو ہتیلی سے خشک کرتی ہوئی واپسی کے لئے مڑ گئی

جاری ہے ۔۔۔۔۔۔۔۔۔۔۔۔۔۔۔۔