مشکل راستے قسط ٢٠

میں حیرت سے چاروں طرف دیکھ رہی تھی ۔۔۔۔۔۔۔۔۔۔۔۔ پتہ نہیں کیوں ان بزرگ کی آواز سن کر میں پرسکون ہوگئی تھی ۔۔۔۔۔۔۔۔ نماز پڑھ کر ویسے بھی میرے دل کو قرار سا آگیا تھا ۔۔۔۔ اور اب ان بزرگ کی موجودگی سےایک ڈھارس سی دل کو ہوئی تھی ۔۔۔۔ بے شک انہیں دیکھ نہیں سکتی تھی مگر ان کے غائب وجود کو لائبریری میں اب میں محسوس کر رہی تھی ۔۔۔۔۔۔۔۔۔۔ پھر مجھے ایسا محسوس ہوا کچھ اور لوگ بھی اس چھوٹی سی لائبریری میں داخل ہوئے ہیں اور ان بزرگ کے ساتھ کھڑے ہوگئے ہیں ۔۔۔۔۔۔۔۔ اور جو بھی داخل ہورہا تھا وہ مجھے بہت ہی دھیمی آواز میں سلام ضرور کرتا جا رہا تھا ۔۔۔۔۔۔۔ تقریباً یہ چار افراد تھے ۔۔۔۔۔۔۔۔۔ جن کی موجودگی میں صرف محسوس کرسکتی تھی انہیں دیکھ نہیں سکتی تھی ۔۔۔۔۔۔۔۔۔۔۔

سنئیہ اور ککو نماز کے بعد اب روتے ہوئے دعا مانگ رہیں تھیں ۔۔۔۔۔۔ پھر نہ جانے کیا ہوا ایک دم دونوں سجدے کی حالت میں گئیں اور پھر اپنے سیدھے ہاتھ کو سر کے نیچے رکھتے ہوئے ایک ہی کروٹ پر لیٹ گئیں اور آنکھیں بند کرلیں ۔۔۔۔۔۔۔۔ میں حیرت اور پریشانی سے انہیں دیکھنے لگی ۔۔۔۔پھر گھبرا کران کی طرف بڑھی تھی کہ ۔۔۔۔۔۔۔۔۔

انہیں ہم نے سلادیا ہے بیٹے ۔۔۔۔۔۔۔۔۔۔ اس وقت ان کا ہوش میں نہ رہنا ہی بہتر ہے ۔۔۔۔۔۔۔۔۔۔

ان بزرگ کی آواز پر میں نے پلٹ کر جودیکھا تو انہیں اور ان چاروں افراد کو مسکراتے ہوئے پایا ۔۔۔۔۔۔۔۔۔۔۔۔

اوہ کیا آپ ہماری مدد کر سکتے ہیں ۔۔۔۔۔۔۔۔۔ پلیز ہم لوگ بہت مشکل میں ہیں ۔۔۔۔۔۔۔۔۔

میں اس وقت ان لوگوں کے اس طرح پرسرار انداز میں لائبریری میں داخل ہونے اور سنئیہ اور ککو کے اس عجیب انداز میں سونے کے بارے میں کچھ نہیں سوچ رہی تھی ۔۔۔ بلکہ مجھے صرف ایک ہی بات کی فکر تھی اس وقت کے اکبر ماموں سے کیسے نبٹا جائے اور سنئیہ ککو اور خود کو ان کے ناپاک ارادوں سے کیسے بچایا جائے ۔۔۔۔۔۔۔۔۔۔۔۔۔

یہ سیل فون آپ کا ہی ہے نا ۔۔۔۔۔۔۔۔۔۔۔۔۔

ان بزرگ نے پوچھتے ہوئے اپنا سیدھا ہاتھ آگے کیا ۔۔۔۔۔۔۔۔ تب میں چونکی تھی ان کے ہاتھ میں اپنا سیل فون دیکھ کر ۔۔۔۔۔۔۔۔۔۔

اوہ یہ ۔۔۔ یہ آ آ پ کے پاس کیسے آیا ۔۔۔۔۔۔۔۔؟

مجھے اچھی طرح یاد تھا کہ میرا سیل فون میرے پرس میں تھا ۔۔۔ اور مامی نے میرا پرس چھین لیا تھا ۔۔۔۔۔۔۔۔ سنئیہ کا سیل فون بھی اپنے قبضے میں کر لیا تھا ان لوگوں نے ۔۔۔۔۔۔۔۔ مگر اب ان بزرگ کے ہاتھ میں اسے دیکھ کر میرا حیران ہونا بجا تھا ۔۔۔۔۔

میں نے آگے بڑھ کر ان سے سیل فون لے لیا ۔۔۔۔۔۔۔۔۔۔ اور ابھی پولیس کا نمبر ڈائیل کرنے ہی لگی تھی کہ مجھے اپنی دوست یاد آگئی جس کے ابو ڈی آئی جی آف سندھ تھے ۔۔۔۔۔۔۔۔۔ میں اس کا نمبر ڈائیل کرنے لگی ۔۔۔۔۔۔۔۔۔۔ دوسری بیل پر ہی اس نے فون اٹھا لیا ۔۔۔۔

ہیلو ۔۔۔۔۔۔۔۔۔ سمیرا میری بات غور سے سنو ۔۔۔۔۔۔۔۔۔ ہمیں ہمارے ہی گھر میں قید کردیا گیا ہے ۔۔۔۔۔۔۔۔۔۔ اور ان لوگوں کے عزائم ٹھیک نہیں لگ رہے ۔۔۔۔۔۔۔۔۔ پلیز جتنی جلدی ہوسکے ہمارے گھر پولیس بھیجو ۔۔۔۔۔۔۔۔۔۔۔۔۔۔۔

اوہ ! ۔۔۔۔۔۔۔۔ عائیشہ ابو میرے ساتھ ہی ہیں ۔۔۔۔۔۔۔۔۔۔۔ میں انہیں فون دے رہی ہوں ان سے بات کرو ۔۔۔۔۔۔۔۔۔۔۔۔۔

ہیلو ۔۔۔۔۔۔۔۔۔۔ اسلام علیکم انکل ۔۔۔۔۔۔۔۔۔۔

وعلیکم اسلام ۔۔۔۔۔۔۔۔۔۔ جی بیٹا کہئیے

انکل ہمیں ہمارے ہی گھر میں قید کردیا گیا ہے ۔۔۔۔۔۔۔ پلیز مجھے ان لوگوں کے ارادے ٹھیک نہیں لگ رہے ۔۔۔۔۔۔۔۔۔۔

آپ پریشان مت ہوں بیٹا ۔۔۔۔۔۔۔۔۔۔۔ میں ابھی پولیس سٹیشن کال کرتا ہوں ۔۔۔۔۔۔۔۔۔۔

اس کے ساتھ ہی فون ڈسکنکٹ ہوگیا ۔۔۔۔۔۔۔۔۔۔۔

نظر اٹھا کر دیکھا تو ان پانچوں باریش حضرات کو اپنی جانب مسکراتے ہوئے دیکھتے پایا ۔۔۔۔۔۔۔۔۔
اور پھر اچانک ان سب کا وجود ہوا میں تحلیل ہوگیا ۔۔۔۔۔۔۔۔۔
............................

ڈور بیل بجانے پر شیری نے کی ہول سے جھانک کر دیکھا تو اکبر نکاح خواں کے ساتھ کھڑے تھے ۔۔۔۔۔۔۔۔۔۔

ہائے ڈیڈ ۔۔۔۔۔۔۔۔۔۔۔۔۔ بہت جلدی آگئے ۔۔۔۔۔۔۔۔۔۔۔

اور تم ابھی تک اسی حلیہ میں پھر رہے ہو ۔۔۔۔۔۔۔۔۔۔۔۔ جاؤ جلدی سے کپڑے تبدیل کرو ۔۔۔۔۔۔۔۔۔۔

وہ گیٹ کھولتے ہوئے بولا تو اسے غصے سے بولتے ہوئے نکاح خواں کو لیکر مین ڈور کی طرف بڑھ گئے ۔۔۔۔۔۔۔۔۔۔۔۔

ارے واہ اکبر آپ بہت جلدی اگئے ۔۔۔۔۔۔۔۔۔۔۔

تو کیا اپنا نکاح پڑھوا کر آتا ۔۔۔۔۔ اچھا ان باتوں کو چھوڑو اور بتاؤ ان لڑکیوں کا کیا حال ہے ۔۔۔۔۔۔۔۔۔۔۔ اور یہ ابھی تک مومی اور شیری نے کپڑے کیوں نہیں چینج کئے ۔۔۔۔۔۔۔۔۔۔

وہ بیوی کی بات پر جھنجلائے ہوئے انداز میں بولے تھے ۔۔۔۔۔۔۔۔۔۔۔۔۔۔۔۔

گھر ہی پر تو نکاح کر رہے ہیں ۔۔۔۔۔۔۔۔۔۔۔ کون سا ہال بک کروا لیا ہے ۔۔۔۔۔۔۔۔۔۔۔۔۔۔۔

ارے بےوقوف عورت تصویریں اور مووی بھی تو بنانی پڑے گی نا پروف کےطور پر ۔۔۔۔۔۔۔۔۔۔۔۔۔ اور تم سے جو پوچھا ہےاس کا جواب دو ۔۔۔۔۔۔۔۔۔ دونو ں نے کچھ گڑ بڑ تو کرنے کی کوشش نہیں کی ؟

بند کرنے کے بعد رونے کی یا چیخنے چلانے کی آوازیں تو نہیں آئیں ویسے بھی شیری کہہ رہا تھا کہ لائیبریری ساؤنڈ پروف ہے ۔۔۔

اوہ یہ تو بہت اچھی بات ہے ۔۔۔۔۔۔۔ ورنہ محلے میں سب کو خبر ہوجاتی ۔۔۔۔۔۔۔۔۔۔۔۔

وہ سر ہلاتے ہوئے بولے تھے ۔۔۔۔۔۔۔۔۔۔

زاہد شاہد ماجد اور ذوبی انکی ہدایت کے مطابق جلدی جلدی تیار ہوکر آگئے ۔۔۔۔۔۔۔۔۔۔۔ پھر زرینہ بیگم اور اکبر خان بھی تیار ہوکر اپنے بیٹے زاہد مومی اور شیری کے ساتھ اس چھوٹی سی لائیبریری کے سامنے پہنچ کر رک گئے تھے ۔۔۔۔۔۔۔۔۔۔۔ اکبر صاحب نے زاہد کو اشارہ کیا تو زاہد نے آگے بڑھ کر دروازہ کھول دیا ۔۔۔۔۔۔۔۔۔۔۔ بڑے تنفر سے اندر وہ داخل ہوئے تھے ۔۔۔۔۔۔۔۔۔ اور مغرور انداز میں سنئیہ اور عائیشہ کو دیکھا تھا ۔۔۔۔۔۔ سنئیہ نے رو رو کر اپنا حال برا کر لیا تھا ۔۔۔۔۔۔۔۔۔ مگر عائیشہ پر نظر پڑھتے ہی وہ ٹھٹک گئے تھے ۔۔۔۔۔۔۔۔ نہایت مطمئن انداز میں بیٹھی وہ اپنی بہن اور اس دو ٹکے کی نوکرانی کو دلاسہ دے رہی تھی ۔۔۔۔۔۔۔۔۔۔ دروازہ کھلنے پر ایک سرد نگاہ اسنے ان پر اور ان کے بیوی بچوں پر ڈالی تھی ۔۔۔۔۔۔۔۔ کچھ تو تھا اس کی نظروں میں جو ان کے اندر تک
ایک لرزہ سا تاری کردیا تھا ۔۔ وہ تھوڑی دیر کے لئے وہیں جم کر رہ گئے تھے ۔۔۔۔۔۔۔

ان پانچوں بزرگوں کے غائب ہوتے ہی سنئیہ اور ککو جاگ گئی تھیں ۔۔۔۔۔۔۔میں ان کے قریب جاکر بیٹھ گئی تو سنئیہ ایک دم مجھ سے لپٹ گئی تھی ۔۔۔۔۔۔۔۔۔ اور زاروخطار رونا شروع کر دیا ۔۔۔۔۔۔۔۔۔۔۔۔

پریشان مت ہو گڑیا اللہ پر بھروسہ رکھو ۔۔۔۔۔۔۔۔۔ اور یقین رکھو وہ ہمارا کچھ نہیں بگاڑ سکتے ۔۔۔۔۔۔۔۔

مجھے ڈر لگ رہا ہے ۔۔۔۔۔۔۔۔ عائیشہ مجھے بہت ڈر لگ رہا ہے ۔۔۔۔۔۔۔۔۔۔

میں تمہارے ساتھ ہوں سنئیہ اور یقین رکھو وہ لوگ تمہارا کچھ نہیں بگاڑ سکتے ۔۔۔۔۔۔۔۔۔۔ تم تک پہنچنے کے لئے ان سب کو مجھ سے سامنا کرنا ہوگا ۔۔۔۔۔۔۔۔۔۔۔

میرے لہجے میں کچھ تھا جس پر سنئیہ نے ایک دم میرے کاندھے سے سر اٹھا کر دیکھا تھا مجھے ۔۔۔۔۔۔۔۔۔۔۔ ابھی وہ کچھ کہنے ہی والی تھی کہ دروازہ کھلنے کی آواز پر وہ اور ککو چونک اٹھیں اور خوفزدہ نظروں سے کھلے دروازے سے داخل ہوتے اکبر ماموں اور ان کے ٹبر کو دیکھا تھا ۔۔۔۔۔۔۔ اکبر ماموًں بڑے کروفر سے داخل ہوئے تھے ۔۔۔۔۔۔۔۔ لیکن مجھ پر نظر پڑھتے ہی ٹھٹک گئے تھے ۔۔۔۔۔ میں انہیں اور انکی فیملی کو مسکراتی نظروں سے گھور رہی تھی ۔۔۔۔۔۔۔۔۔۔ پھر سر جھٹک کر انہوں نے شاید خود کو یہ یقین دلایا تھا کہ بھلا مجھ جیسی کمزور لڑکی ان کا کیا بگاڑ سکتی ہے ۔۔۔۔۔۔۔۔۔۔ پھر میری طرف ایک طنزیہ نظر ڈالتے ہوئے ہمارے قریب آگئے ۔۔۔۔۔۔۔۔۔۔ مامی اور زاہد کے ہاتھوں میں کچھ زرق برق جوڑے تھے جو غالباً ہماری ہی الماری سے نکالے گئے تھے ۔۔۔۔۔۔۔۔

یہ ۔۔۔ یہ سب کیا ہے ؟

سنئیہ خوفزدہ لہجے میں بولی تھی ۔۔۔۔۔۔۔۔

تم دونوں کی شادی ہے آج مومی اور شیری سے ۔۔۔۔۔۔۔۔۔

اکبر ماموں نے مسکراتے ہوئے اسے جواب دیا تھا ۔۔۔۔۔۔۔۔۔۔۔

اوہ اب سمجھ میں آیا اکبر ماموں آپ کا پلان ۔۔۔۔۔۔۔۔۔ اماں بی صحیح کہتی تھیں آپ انتہائی لالچی اور خود غرض انسان ہیں ۔۔۔۔

میں چھبتے لہجے میں ان سے مخاطب ہوئی تھی ۔۔۔۔۔۔۔۔۔۔۔۔۔۔۔۔۔۔۔۔

چپ رہ گستاخ لڑکی ۔۔۔۔۔۔۔۔۔۔۔ ذرا شادی تو ہوجانے دو شیری سے پھر دیکھو تمھارا کیا حشر کرتی ہوں میں ۔۔۔۔۔۔۔۔ یہ کپڑے پہنو اگر ذرا بھی چوں کی نا تو وہ حشر کرونگی کہ سات نسلیں یاد رکھینگی تمہاری ۔۔۔۔۔۔۔۔۔۔۔

مامی ہاتھ نچا نچا کر بولیں تو میں مسکرا دی تھی ۔۔۔۔۔۔۔۔۔۔ پتہ نہیں کیوں اتنا اطمینان میرے اندر پیدا ہوگیا تھا ۔۔۔۔۔۔ اگر پولیس کو ذرا بھی دیر ہوگئی تو ہمارا نکاح ان کے غنڈے اور موالی بیٹوں سے ہو جانا تھا ۔۔۔۔۔۔۔۔۔ اور یہ بات میرے ذہن میں بھی تھی لیکن پھر بھی میں اپنے دل میں کسی طرح کا خوف اور پریشانی اب محسوس نہیں کر رہی تھی ۔۔۔۔۔ اکبر ماموں میرے اطمینان پر تلملائے ہوئے سے لگ رہے تھے ۔۔۔۔۔۔۔۔۔ شاید وہ مجھے گڑگڑاتا ہوا دیکھنا چاہتے تھے اپنے سامنے مگر میری مسکراہٹ اور کٹیلی باتیں ان کی سمجھ سے بالاتر تھیں ۔۔۔۔۔۔۔۔۔۔۔۔

مامی ایک دم آگے بڑھہیں اور میرا ہاتھ پکڑ لیا ۔۔۔۔۔۔۔۔۔۔۔ لیکن اسی لمحے پتہ نہیں کیا ہوا مجھے تیزی سے اپنا ہاتھ ان کی گرفت سے نکال لیا اور مامی کی بھاری بھرکم ہاتھ کی کلائی اپنی گرفت میں کرلی ۔۔۔۔۔۔۔۔۔۔۔۔۔۔

آآآآآ اکبر ۔۔۔۔۔۔۔۔۔۔۔

وہ زور سے چیخیں تھیں ۔۔۔۔۔۔۔۔۔۔۔۔ غالباً میری گرفت بہت سخت تھی اور وہ لحیم شحیم خاتون میری گرفت سے خود کو چھڑا نہیں پا رہی تھیں ۔۔۔۔۔۔۔۔۔۔

عائیشہ ان صاحبہ کا ہاتھ چھوڑ دو بیٹا ۔۔۔۔۔۔۔۔۔۔ جو یہ کہتے ہیں وہ کرو اور پھر دیکھو تماشہ ۔۔۔۔۔۔۔۔۔۔

کوئی سرگوشی میں بولا تھا

اور یہ ایک عورت کی آواز تھی ۔۔۔۔۔۔۔

پتہ نہیں کیوں میں نے اس سرگوشی پر مامی کا ہاتھ چھوڑ دیا تھا ۔۔۔۔۔۔۔۔۔۔۔۔۔۔۔۔۔۔ مامی اپنا ہاتھ سہلانے لگی تھیں ۔۔۔۔۔۔۔ اور پھر اکبر ماموں کے پاس جا کر کھڑی ہوگئیں ۔۔۔۔۔۔۔۔۔۔ انہے اس بات کی بالکل شاید توقع نہیں تھی کہ مجھ جیسی دھان پان سی دکھائی دینے والی لڑکی ان کی کلائی کا ایسا حال بھی کرسکتی ہے ۔۔۔۔۔۔۔۔۔ اکبر ماموں کے کسی ردعمل سے پہلے ہی میں نے ان کی بیوی کو آزاد کردیا تھا ۔۔۔۔۔۔۔۔۔۔ چند لمحے تو وہ مجھے حیرت سے دیکھتے رہے پھر دانت کچکچاتے ہوئے میری جانب بڑھے ہی تھے کہ باہر لونگ روم میں شیری چیخا تھا زور دار آواز میں ۔۔۔۔۔۔۔۔۔۔۔

ڈیڈ ! پولیس ۔۔۔۔۔۔۔۔۔۔۔۔

اکبر ماموں جو میری طرف غصے سے بڑھے تھے اچانک گھبرا کر رک گئے ۔۔۔۔۔۔۔۔۔۔۔۔۔۔

یہ ییہ پپ پولیس کیسے آسکتی ہے ۔۔۔۔۔۔۔۔۔۔۔ ؟

وہ زیرلب بڑ بڑائے تھے ۔۔۔۔۔۔۔۔۔۔۔

مم میں نے ان لڑکیوں کو اس کمرے میں بند کردیا تھا اور ان کے سیل فون بھی ان سے چھین لئے تھے اور ٹیلیفون کی مین لائین بھی کاٹ دی تھی ۔۔۔۔۔۔۔۔۔۔۔

وہ اپنے آپ سے باتیں کر رہے تھے ۔۔۔۔۔۔۔۔۔۔

پلان تو آپ نے خوب بنایا تھا ماموں لیکن اوپر والا ہمیشہ حق کا ساتھ دیتا ہے ۔۔۔۔۔۔۔۔۔۔۔۔۔

میں نے اتنا ہی کہا تھا کہ پولیس لائیبریری میں داخل ہوئی تھی ساتھ میں میری دوست کے ابو بھی تھے ۔۔۔۔۔۔۔۔ اور گنیں اکبر ماموں اور ان کے بیوی بیٹے پر تان لیں ۔۔۔۔۔۔۔۔۔۔۔۔۔۔۔۔

ہینڈز زپ ۔۔۔۔۔۔۔۔۔۔۔۔۔

پولیس کے ایک جوان نے تیز آواز میں ان تینوں کو حکم دیا تھا ۔۔۔۔۔۔۔۔۔۔۔۔۔۔۔۔۔۔۔۔ تینوں نے تیزی سے اپنے ہاتھ اٹھا دئے ۔۔۔۔۔۔۔۔۔ مامی رونے لگیں ۔۔۔۔۔۔۔۔۔۔۔ مجھے تعجب اس وقت ہوا جب اکبر ماموں بھی رونے لگے ۔۔۔۔۔۔۔۔۔۔۔

آپ تینوں ٹھیک ہونا ۔۔۔۔۔۔۔۔۔۔۔۔ آئی ہوپ ہمیں زیادہ دیر نہیں ہوئی ۔۔۔۔۔۔۔۔۔۔

ان کی بات پر میں نے مطمئن انداز میں اپنا سر ہلا دیا تھا ۔۔۔۔۔۔۔۔۔۔۔۔۔۔۔۔۔۔