اسلام علیکم ۔۔۔۔۔۔۔۔۔۔
وعلیکم اسلام ۔۔۔۔۔۔۔۔۔۔۔۔ ارے عبدل بھائی کہاں ہیں ۔۔۔۔۔۔۔۔۔ اور تم
ڈرائیونگ سیٹ پر ؟
جی ہاں محترمہ ہم آج آپ کی چاکری کے لئے ۔۔۔۔۔۔ آئی مین ٹو سے آپ کو ہم
ڈرائیور کے طور پر قبول ہیں کے نہیں ۔۔۔۔
سنئیہ کارڈیالوجی بلڈنگ سے باہر نکلی تو مجھے اکیلے گاڑی میں دیکھ کر حیرت
سے بولی تھی ۔۔۔۔۔۔۔۔۔ جس کے جواب میں میں نے مزاحیہ انداز میں سر اس کے
سامنے ہلکے سے جھکاتے ہوئے کہا تھا ۔۔۔۔۔۔۔۔۔
بالکل قبول ہیں جی بس ذرا احتیاط سے چلائیے گا کہیں گاڑی کے ساتھ ہمیں بھی
ڈینٹ شینٹ لگ گیا تو آپ ہی کو فل ٹائیم تیمارداری کے لالے پڑ جائینگے
۔۔۔۔۔۔۔۔۔۔
مگر سنئیہ سے کون جیت سکتا تھا اس معاملے میں فوراً ہی برجستہ جواب حاضر
تھا خاتون کے پاس سے ۔۔۔۔۔
وہ سامنے فرنٹ سیٹ پر آکر بیٹھ گئی ۔۔۔۔ میں نے گاڑی اسٹارٹ کر دی
۔۔۔۔۔۔۔۔۔۔۔۔
سنئیہ سارا راستہ خاموش رہی تھی پھر بولی کچھ نہیں ۔۔۔۔۔ میں بھی خاموش رہی
اس ڈر سے کہ کہیں وہ عبدل بھائی کے بارے میں پوچھنے نہ لگ جائے ۔۔۔۔ مگر اس
کی کاموشی مجھ سے ہضم نہیں ہو رہی تھی ۔۔
بات کیا ہے سنئیہ اتنی خاموش کیوں ہو ؟
ہممم نن نہیں کچھ بھی تو نہیں ۔۔۔۔۔۔۔۔
میرے پوچھنے پر وہ چونکی تھی ۔۔۔۔۔۔۔ پتا نہیں کیا سوچے جارہی تھی ۔۔۔۔۔۔۔۔
بتاؤ سنئیہ کیا بات ہے ۔۔۔۔۔ کیا ہوا آج ہاسپٹل میں ۔۔۔۔۔۔۔۔۔ کچھ تو بات
ہے ضرور گڑیا ۔۔۔۔ مجھے نہیں تو کسے بتاؤ گی لڑکی ۔۔۔۔۔۔۔۔۔۔
عائیشہ آج ایک عجیب سی لڑکی سے ملاقات ہوئی تھی ۔۔۔۔۔۔۔۔۔ جب میں تمہارا
ویٹ کر رہی تھی تب ۔۔۔۔ پہلے تو اس نے مجھے یہ کہا کہ وہ اپنی ماں کے ساتھ
آئی ہے ۔۔۔۔۔۔۔ اس کی ماں ہارٹ پیشنٹ ہے اور تھری ٹو فور ویکس میں ان کا
چیکپ ہوتا ہے ۔۔۔۔۔۔۔ لیکن جب تمہارا فون آیا کہ تم پہنچ گئی ہو تو میں اس
سے معذرت کر کے کیفے سے نکلنے لگی تب اس نے مجھے میرے نام سے پکارا حالانکہ
میں نے اس سے نہ اس کا نام پوچھا تھا اور نہ اپنا بتا یا تھا ڈاکٹر آئی ڈی
بھی اتار دیا تھا اور کوٹ بھی ۔۔۔۔۔۔۔۔۔۔
ہوسکتا ہے کسی سے سن لیا ہو تمہارا نام ۔۔۔۔۔۔
ٹھیک ہے ہوسکتا ہے ۔۔۔۔۔۔۔۔۔۔۔۔ لیکن وہ تو تمہارا بھی نام لے رہی تھی اور
عجیب بکواس کر رہی تھی تمہارے متعلق ۔۔۔۔۔۔۔۔۔۔
کیا مطلب ؟؟؟؟؟؟؟؟؟
میں نے اسی وقت گاڑی سگنل ریڈ ہونے پر روکی تھی ۔۔۔۔۔۔۔۔۔۔ اور سنئیہ کی
طرف دیکھا تھا ۔۔۔۔۔۔
کیا کہہ رہی تھی وہ ۔۔۔۔۔۔۔۔۔
یہی کہ وہ ایک سائیکک ہے ۔۔۔۔۔۔۔ اور تم میری بہن نہیں ہو ۔۔۔بلکہ دھوکہ ہو
فریب ہو ۔۔۔۔۔۔۔۔۔۔
لیکن پھر جب میں نے اسے ڈانٹ دیا تو بولی کہ ٹھیک ہے نہ مانو لیکن گھر پہنچ
کر لائیبریری میں ٹیبل کی دراز کھول کر ضرور دیکھ لوں ۔۔۔۔۔۔ وہاں مجھے
اماں بی کی لکھی ڈائری ضرور مل جائے گی ۔۔۔۔۔۔۔۔ مگر اسے ہمارے گھر کی
لائبریری کا کیسے پتا عائیشہ ۔۔۔۔۔۔۔
وہ مجھ سے پوچھ رہی تھی اور میں حیرت سے سن رہی تھی ۔۔۔۔۔۔۔ بلکہ اس کی بات
سن کر میں ایک عجیب سی گھبراہٹ کا شکار ہوگئی تھی ۔۔۔۔۔۔۔ خدانخواسطہ اگر
سنئیہ مجھے بتائے بغیر ہی لائبریری میں جا کر دراز کھول کر دیکھ لیتی تو
یقیناً اسے وہ ڈائری مل جاتی ۔۔۔۔۔۔۔ اور اس پر وہ راز کھل جاتا جو نہ اماں
بی چاہتی تھیں اور نہ میں ایسا چاہتی ۔۔۔۔۔۔۔
ہممم ۔۔۔۔۔ اچھا کیا جو تم نے مجھے بتا دیا سنئیہ ۔۔۔۔۔ تم بےفکر ہو جاؤ
اور ڈرنے کی بھی ضرورت نہیں ۔۔۔ وہ جو کوئی بھی تھی ہماری well wisher نہیں
تھی ۔۔۔۔۔۔ اور ایسے لوگوں سے محتاط رہنا بہت ضروری ہے ۔۔۔۔۔۔
ہاں تم ٹھیک کہہ رہی ہو ۔۔۔۔۔۔۔۔۔ مجھے تو اس کی آنکھیں عجیب سی لگیں تھیں
ایک دفع بھی اس نے پلکیں نہ جھپکیں ۔۔۔سچی بات تو یہ ہے کہ اس کی آنکھوں
میں ایک عجیب سی چمک تھی ۔۔۔۔۔۔۔
صبح قرآن پڑھ کر جایا کرو لڑکی ۔۔۔۔۔۔ سورہ بقرہ بیسٹ سورہ ہے ایک تو گھر
سے نحوست دور ہوتی ہے ۔ جس گھر میں سورہ بقرہ پڑھی جاتی ہے اس گھر سے شیطان
بھاگ جاتا ہے ۔۔۔۔۔۔ اور جب سے تم نے ہاؤز جوب اسٹارٹ کی ہے تب سے میں دیکھ
رہی ہوں تم نے صبح کی تلاوت چھوڑ دی ہے ۔۔۔۔۔۔۔۔ اب خودہی دیکھ لو عجیب
عجیب پرسرار لوگوں سے پالا پڑھ رہا ہے تمہارا ۔۔۔۔۔۔۔۔
میں نے ہلکے پھلکے انداز میں اسے نصیحت کی تھی ۔۔۔۔۔۔۔۔۔
میری بات سن کر سنئیہ بی بی نے سر ہلا دیا تھا ۔۔۔۔۔۔۔۔ اور میں دل میں
اللہ کا شکر ادا کر رہی تھی ۔۔۔۔ مگر ساتھ میں تفکرات نے بھی آ گھیرا تھا
مجھے کہ وہ پرسرار لڑکی کون تھی اور کیا چاہتی تھی سنئیہ سے ۔۔۔ مجھے اب
سنئیہ کی فکر ہونے لگی تھی ۔۔۔۔۔۔۔۔۔
×××××××××××××××××
عشاء کی نماز کے بعد سنئیہ تو سوگئی تھی اور ککو بھی ۔۔۔۔۔۔۔ مگر میں جاگ
رہی تھی ۔۔۔۔۔ جب پورا یقین ہوگیا کہ سنئیہ سو چکی ہے تب کمرے سے نکل کر اس
چھوٹی سی لائبریری میں آگئی ۔۔۔۔۔۔۔۔ لائٹ جلا کر اس چھوٹی سی میز کی طرف
بڑھ گئی جس کی دراز میں اماں بی کی لکھی ڈائری رکھی تھی ۔۔۔۔۔۔۔ دراز کھول
کر دیکھا تو وہ ڈائری وہاں موجود نہیں تھی ۔۔۔۔۔۔ حیرانی بھی ہورہی تھی اور
ساتھ میں پریشانی بھی کہ اب ڈائری کدھر گئی ۔۔۔ مجھے اچھی طرح یاد تھا میں
نے ڈائری دراز میں ہی فائیلز کے نیچے ہی رکھی تھی ۔۔۔۔۔۔ مگر اب وہ وہاں
نہیں تھی ۔۔۔۔۔۔۔۔
پریشان نہ ہو بیٹی ڈائری ہم نے وہاں سے اٹھا لی ہے ۔۔۔۔۔۔۔۔۔
انہی بزرگ کی آواز گونجی تھی جنہوں نے مجھے میری ماں کی ادھوری کہانی سنائی
تھی ۔۔۔۔۔۔۔میں نے پلٹ کر دیکھا تو دینی کتابوں کے شیلو کے سامنے کھڑے پایا
۔۔۔۔۔۔۔۔
آپ مجھے بتا سکتے ہیں یہ سب کیا ہے ؟ اور وہ لڑکی کون تھی جو سنئیہ سے آج
ملی تھی ۔۔۔۔۔۔ اسے کیسے پتا چلا کہ میں سئیہ کی سگی بہن نہیں ہوں
۔۔۔۔۔۔بلکہ وہ تو مجھے دھوکا جھوٹ اور نا جانے کیا کہہ رہی تھی ۔۔۔ آخر یہ
چکر کیا ہے ؟؟؟؟؟؟ ۔۔۔۔۔۔۔ مم میں کون ہوں ۔۔۔۔۔۔۔۔ مجھے بھی کیوں ایسا لگ
رہا ہے کہ میں ایک نارمل انسان نہیں ہوں ۔۔۔۔۔ کیا ایک نازک سی لڑکی کسی
ہٹے کٹے بدمعاش کا ایسا بھی حال کرسکتی ہے ۔۔
آپ کو وہ تھپڑ یاد ہے نا جو میں نے اسے مارا تھا ۔۔۔۔۔۔۔۔ پھر وہ اچھل کود
جو میں نے اپنی زندگی میں کبھی اس سے پہلے نہیں کی اور نہ مجھے مارشل آرٹ
آتا ہے ۔۔۔۔۔۔۔۔۔ پلیز بتائیے مجھے مم میں کون ہوں ؟؟؟؟؟؟؟؟
میں نے ان پر سوالوں کی بوچھاڑ کر دی تھی ۔۔۔۔۔۔۔۔۔ وہ کسی دینی کتاب کا
مطالعہ کر رہے تھے میری بات پر بغور مجھے دیکھا تھا پھر شیلف میں کتاب واپس
رکھ دی تھی ۔۔۔۔۔۔۔۔۔۔
بیٹا نماز کے کمرے میں چلو ۔۔۔۔۔۔۔۔۔ وہیں بات کرتے ہیں ۔۔۔۔۔۔۔۔
*************
نماز کے کمرے م،یں پہنچ کر وہ قبلہ رخ ہوکر بیٹھ گئے تھے ۔۔۔۔۔۔۔۔۔۔۔۔
تم جاننا چاہتی ہو نا کہ تم کون ہو ۔۔۔۔۔۔۔۔ بیٹا تم واقعی ایک نارمل انسان
نہیں ہو ۔۔۔۔۔۔۔ عموماً ایسے بچے زیادہ عرصہ جیتے نہیں ہیں ۔۔۔۔۔۔۔ مگر
اللہ نے حوریہ بی بی کو زندگی دی پھر اولاد بھی ان جیسی ہی دی یعنی فاطمہ
بی بی اور پھر تم ۔۔۔ مگر تم سے یہ سلسلہ آگے بڑھتا بھی ہے یا نہیں یہ اللہ
ہی بہتر جانتا ہے ۔۔۔۔۔۔۔۔
کیا مطلب ہے آپ کا ؟؟؟؟؟؟ میں سمجھی نہیں ۔۔۔۔۔۔۔۔۔
اس کی بعد ان بزرگ نے جو کچھ بھی کہا ۔۔۔۔۔۔۔۔۔۔ میرا دل میرا ذہن اسے
ماننے سے انکاری تھا ۔۔۔۔۔ جیسے انہوں نے کھولتا سیسا میرے کانوں میں انڈیل
دیا تھا ۔۔۔۔۔۔۔۔۔ میرا وجود طوفان کی زد میں آچکا تھا ۔۔۔۔۔۔۔۔۔۔
××××××××××××××××
باقی آئندہ ۔۔۔۔۔۔۔۔۔۔ |