مشکل راستے قسط ١٣
(farah ejaz, dearborn, mi USA)
وہ بے انتہا حسین تھی
۔۔۔۔۔۔۔۔۔۔۔۔ سروقد ۔۔۔۔۔۔ کالی چمکدار لامبی زلفیں ۔۔۔۔۔۔۔۔۔۔ فراق پیشانی
۔۔۔۔۔۔۔ بڑی بڑی کالی بادامی آنکھیں ۔۔اور سنہری رنگت ۔۔۔۔۔۔ جنت کی حور
تھی وہ ۔۔۔۔۔ ہلکے نیلے رنگ کے شلوار قمیض میں ملبوس وہ حسن کی دیوی کسی
اور جہاں کی لگ رہی تھی ۔۔۔۔۔ وہ ان سے دس قدم کے فاصلے پر کھڑی سورج کو
نیلے پانی میں ڈوبتے ہوئے دیکھ رہی تھی ۔۔۔۔۔ ان کی نظریں اس پر جم سی گئی
تھیں ۔۔۔۔۔۔۔۔۔ جن کی تپش نے اسے انکی موجودگی کا احساس دلا دیا ۔۔۔۔۔۔۔۔۔
وہ ایک دم واپسی کے لئے پلٹ گئی ۔۔۔۔۔۔۔۔۔۔۔۔
رکئے پلیز ۔۔۔۔۔۔۔۔۔۔۔۔۔۔۔
بیقراری سے پکار بیٹھے تو رک گئی اور پلٹ کر انہیں دیکھنے لگی مگر بولی کچھ
نہیں ۔۔۔۔۔۔۔۔ جمال شاہ چلتے ہوئے اس کے قریب آکر کھڑے ہوگئے ۔۔۔۔ خوبصورت
کالی آنکھیں اٹھائے وہ انہیں دیکھ رہی تھی ۔۔۔۔۔۔۔ قریب سے وہ اور بھی حسین
لگی انہیں ۔
ہلکی نارنگی غروب ہوتے سورج کی روشنی اس کے صبیح چہرے کو ایک عجب سا حسن
اتا کر رہی تھی ۔۔۔۔۔
کیا کوئی اتنا بھی حسین ہوسکتا ہے ۔۔۔۔۔۔
وہ دل میں سوچنے لگے ۔۔۔۔۔۔۔۔۔۔۔ پوری دنیا گھوم چکے تھے ۔۔۔۔۔۔۔۔۔ ایک سے
بڑھ کر ایک حسین لڑکیاں دیکھیں تھیں انہوں نے ۔۔۔ لیکن ایسا حسن کبھی اپنی
زندگی میں پہلے نہ دیکھا تھا ۔۔۔۔۔۔۔۔ تھوڑی دیر تک تو کچھ بول ہی نہ پائے
۔۔۔۔۔ اس حسن کی دیوی کے سامنے جیسے زبان بھی ورطہء حیرت میں تھی
۔۔۔۔۔۔۔۔۔۔
جی فرمائیے ۔۔۔۔۔۔۔ آپ نے مجھے کیوں روکا ہے ۔۔۔۔۔۔۔
خوبصورت کھنکتی ہوئی آواز پر وہ چونکے تھے ۔۔۔۔۔۔۔۔۔۔۔
وہ محترمہ بات دراصل یہ ہے کہ ۔۔۔۔۔۔۔ شاید آپ کو برا لگے ۔۔۔۔۔۔۔۔ لیکن
۔۔۔۔۔۔۔۔۔ میں اکثر آپ کو اپنی بالکنی سے دیکھتا تھا ۔۔۔۔۔۔۔۔۔۔۔
آپ نے اس لئے مجھے روکا ہے کے اپنی گھٹیا حرکت کے بارے میں بتا سکیں
۔۔۔۔۔۔۔۔۔۔۔
انکی بات سن کر وہ غصے سے بولی تھی ۔۔۔۔۔۔۔۔۔۔۔
تو وہ تھوڑے شرمندہ سے ہوگئے ۔۔۔۔۔ کوئی دل پھینک عاشق تو تھے نہیں ۔ لیکن
اس لڑکی نے ان کے تمام اصول اور تمام احتیاط خاک میں ملا دی تھی ۔۔۔۔
میں آپ سے شرمندہ ہوں ۔۔۔ اور اپ سے معافی بھی مانگتا ہوں ۔۔۔۔ لیکن یہ سچ
ہےکے میں آپ کو قریب سے دیکھنا چاہتا تھا ۔۔۔
اللہ حافظ ۔۔۔۔۔۔۔۔۔
وہ اس کے پاس سے گزرتے ہوئے اپنی گاڑی کی طرف جانے لگے ۔۔۔۔۔۔۔۔۔۔
ٹھہرئے ۔۔۔۔۔۔۔۔۔۔۔۔
اس مہجبیں نے انہیں پکارا تو وہ جاتے جاتے رک کر اس کی طرف دیکھنے لگے
۔۔۔۔۔۔۔۔۔۔
وہ شاہانہ انداز سے چلتی ہوئی ان کے سامنے آکر کھڑی ہوگئی ۔۔۔۔۔۔۔۔۔
اس طرح کبھی کسی کی ہمت نہیں ہوئی تھی میرے رو برو کچھ کہنے کی ۔۔۔۔۔ اس
لئے میں آپ کی ہمت کی داد دیتی ہوں ۔۔۔ میں بہت سے لوگوں سے مل چکی ہوں
۔۔۔۔۔۔۔۔۔۔ لیکن آپ ان سب سے مختلف لگے ہیں مجھے ۔۔۔۔۔ کیا اپ مجھ سے دوستی
کرنا پسند کرینگے ۔۔۔۔ بے غرض اور پاک ۔۔۔۔۔۔۔۔۔۔
وہ معصومیت سے بولی تو وہ حیرت سے اسے دیکھنے لگے ۔۔۔۔ بےشک وہ مرد اور
عورت کی دوستی کو برا سمجھتے تھے ۔۔۔
لیکن اسے کسی بھی وجہ سے اب کھونا نہیں چاہتے تھے ۔۔۔۔۔۔۔۔۔۔
جی بالکل کیوں نہیں ۔۔۔۔۔۔۔۔۔۔۔۔
وہ مسکراتے ہوئے اسے دیکھنے لگے ۔۔۔۔۔
آپ کا نام پوچھ سکتی ہوں؟
جمال ۔۔۔۔۔۔۔۔۔۔ اور آپ کا نام ؟
حوریہ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔
جاری ہے ۔۔۔ |
|