اِنکم ٹیکس ریٹرن فائل کرنے کی تاریخ میں توسیع

فیڈرل بورڈ آف ریونیو (ایف بی آر) نے اِنکم ٹیکس ریٹرن فائل کرنے کی تاریخ میں توسیع کا اعلان کر دیا ۔

تفصیلات کے مطابق ایف بی آر  کی جانب سے جاری ہونے والے اعلامیے کے مطابق  انکم ٹیکس ریٹرن   فائل کرنے کی تاریخ آگے بڑ ہا دی گئی  ہے ، جس سے اب  تنخواہ دار طبقہ 16 دسمبر تک ٹیکس ریٹرن فائل کرسکتا ہے۔

 اس سے قبل ٹیکس ریٹرن فائل کرنے آخری تاریخ 30 نومبر تھی کمپنیوں کے ٹیکس ریٹرن فائل کرنے کی تاریخ میں بھی 16 دسمبر تک توسیع کر دی گئی۔

  یاد رہے کہ حکومت نے رواں مالی سال 2020-2019 کے لیے 70 کھرب 22 ارب روپے کا بجٹ پیش کیا ۔ جس میں سے ٹیکس وصولی کا ہدف 550 ارب روپے مختص کیا گیا ہے، اس ضمن میں ملکی معیشت کو مضبوط اور مستحکم کرنے کے لیے لوگوں کو ٹیکس نیٹ میں لانے کا فیصلہ کیا جس کے تحت مسلسل مختلف اقدامات بھی کیے جارہے ہیں۔

واضح رہے کہ دو ماہ قبل ایف بی آر کی جانب سے جاری کردہ رپورٹ میں بتایا گیا تھا کہ انکم ٹیکس گوشوارے جمع کروانے والوں کی تعداد میں 69 فی صد اضافہ ہوا جس کے بعد ٹیکس دہندگان کی تعداد 25 لاکھ تک پہنچ گئی۔

دوسری طرف رواں ماہ کے آغاز میں فیڈرل بورڈ آف ریونیو(ایف بی آر )نے ملک بھر کی مختلف مارکیٹوں میں کیے جانے والے سروے کے نتائج جاری کیئے تھے۔

ایف بی آر کی سروے رپورٹ کے مطابق ٹیکس ادا کرنے میں ملک کے معاشی حب کراچی کی مارکیٹس تمام شہروں پر بازی لے  گئیں تھیں۔


 

WATCH LIVE NEWS

Samaa News TV PTV News Live Express News Live 92 NEWS HD LIVE Pakistan TV Channels

Meta Urdu News: This news section is a part of the largest Urdu News aggregator that provides access to over 15 leading sources of Urdu News and search facility of archived news since 2008.