سعودی ہوٹلزمیں صنفی تقسیم کی پابندی ختم

سعودی عرب میں اسٹیڈیم کےبعداب  ہوٹلزمیں بھی ایک ساتھ  بیٹھنےاورکھانےکی اجازت  مل گئی ہے۔

جی ہاں !سعودی عرب نے خواتین کے لیے مردوں سے علیحدہ داخلی راستوں اور ریسٹورنٹس میں علیحدہ بیٹھنے سے متعلق دہائیوں سے عائد پابندی ختم کرنے کا اعلان کردیاہے ۔

غیرملکی  خبررساں ادارے کے مطابق عوامی مقامات پر صنفی تقسیم کی پابندی کے خاتمے کے فیصلے کا اعلان وزارت میونسپل اور دیہی امور سے جاری طویل اور تکنیکی بیان میں کیا گیا۔

مذکورہ اعلان سے قبل ہی جدہ میں ریسٹورنٹس اورکیفے جبکہ ریاض کے اعلیٰ درجے کے ہوٹلزمردوں اورعورتوں کوآزادی سے بیٹھنے کی اجازت دے رہے تھے۔

خوشخبری ۔ سعودی عرب نے بڑا اعلان کر دیا

ریسٹورنٹس میں علیحدگی کی ضرورت کے خاتمے کے فیصلے کا اعلان سعودی عرب کی سرکاری خبرایجنسی سعودی پریس ایجنسی کی جانب سےجاری بیان میں کیا گیا تھا۔

بیان میں عمارتوں، اسکولوں، اسٹورز اور کھیلوں کے مراکز کے لیے منظور کردہ تکنیکی ضروریات کو شامل کیا گیاہے ۔

اس حوالے سے جاری بیان میں کہا گیا کہ شائع کردہ فیصلوں کی طویل فہرست کا مقصد سرمایہ کاروں کو متوجہ کرنا اور کاروبار کے مواقع میں اضافہ کرنا ہے۔

واضح  رہے کہ حالیہ چند برسوں میں سعودی ولی عہد محمد بن سلمان نے مختلف سماجی اصلاحات متعارف کروائی ہیں، جہاں اب خواتین، مردوں کے ساتھ کنسرٹس اور مووی تھیٹرز میں شرکت کرسکتی ہیں  ۔

اس کےعلاوہ اگست میں سعودی عرب نےتمام خواتین شہریوں کوپاسپورٹ بنوانےاورآزادی سےسفر کرنےکی اجازت دی گئی تھی ۔


 

WATCH LIVE NEWS

Samaa News TV PTV News Live Express News Live 92 NEWS HD LIVE Pakistan TV Channels

Meta Urdu News: This news section is a part of the largest Urdu News aggregator that provides access to over 15 leading sources of Urdu News and search facility of archived news since 2008.