حیدرآباد: جامشورو تھرمل پاور ہاؤس کے گرڈ اسٹیشن میں آتشزدگی

حیدرآباد: جامشورو تھرمل پاور ہاؤس کے گرڈ اسٹیشن میں آگ لگ گئی ہے۔ آتشزدگی کی تصدیق حیسکو حکام نے کردی ہے۔

ہم نیوز کے مطابق بجلی کی تاریں سڑک پہ گرنے سے انڈس ہائی وے بھی بلاک ہو گئی ہے جب کہ حیدرآباد سمیت ملحقہ علاقے تاریکی میں ڈوب گئے ہیں۔

واپڈا حکام کے مطابق پاور پلانٹ میں لگنے والی آگ سے ہونے والے جانی و مالی نقصان کا جائزہ لے رہے ہیں۔ ان کا کہنا ہے کہ فی الوقت کچھ کہنا ممکن نہیں ہے۔

ہم نیوز نے اسی سلسلے میں حیسکو حکام کے حوالے سے بتایا ہے کہ حیدرآباد کے تمام گرڈ اسٹیشن کے 110 فیڈرز پر بجلی کی فراہمی منقطع ہو گئی ہے۔

ذمہ دار ذرائع کے مطابق جامشورو پاور پلانٹ سے گھارو، سیہون اور حیدرآباد سمیت دیگر ملحقہ علاقوں کو بجلی فراہم کی جاتی ہے۔

پنجاب: بارش و تیز آندھی، متعدد علاقوں میں بجلی کی فراہمی معطل

ہم نیوز کو حکام نے بتایا ہے کہ آگ پر قابو پانے کے لیے فائر بریگیڈ کی گاڑیاں روانہ کردی گئی ہیں۔


 

WATCH LIVE NEWS

Samaa News TV PTV News Live Express News Live 92 NEWS HD LIVE Pakistan TV Channels

Meta Urdu News: This news section is a part of the largest Urdu News aggregator that provides access to over 15 leading sources of Urdu News and search facility of archived news since 2008.

86