اداکار فیروز خان کا پولیو ورکرز کو خراج تحسین

پاکستان شوبز انڈسٹری کے اداکار فیروزخان نے انسداد پولیو مہم کارکنان کو خراج تحسین پیش کردیا۔

فیروز خان نے سوشل میڈیا سائٹ ٹوئٹر پر ایک تصویر پوسٹ کی ہے جس میں  ایک ماں بیٹے موجود ہیں جو دونوں پولیو ورکر ہیں اور بچوں کو پولیو کے قطرے پلاکر گھر واپس جارہے ہیں۔

ان دونوں کی تصویر کو شیئر کرتے ہوئے انہیں خراج تحسین پیش کیا ہے۔

یاد رہے کہ 21 ستمبر سے کراچی سمیت ملک کے مختلف شہروں میں انسداد پولیو مہم کا آغاز کردیا گیا ہے۔

علاوہ ازیں مہم کے دوران پولیو ٹیموں کے ساتھ لیویز، پولیس، ایف سی کی سخت سیکیورٹی فراہم کی گئی ہے۔

دوسری جانب چمن ضلع بھر میں5 روزہ مہم کے دوارن ایک لاکھ 45 ہزار بچوں کو قطرے پلانے کا ہدف مقرر کیا گیا ہے۔

ملتان ڈویژن میں پولیو مہم کے دوران 23 لاکھ 43 ہزار بچوں کو حفاظتی قطرے پلائے جائیں گے۔

فیصل آباد میں 13 لاکھ81 ہزار 750 بچوں کو حفاظتی قطرے پلانے کا ہدف مقرر کیا گیا ہے۔

جبکہ حیدرآباد میں 2 لاکھ 90 ہزار سے زائد بچوں کو پولیو سے بچائو کے قطرے پلانے کا ٹارگٹ مقرر کیا گیا ہے۔

واضح رہے کہ مہم میں ایک ہزار سے زائد لیڈی ہیلتھ ورکرز حصہ لے رہی ہیں۔


 

WATCH LIVE NEWS

Samaa News TV PTV News Live Express News Live 92 NEWS HD LIVE Pakistan TV Channels

Meta Urdu News: This news section is a part of the largest Urdu News aggregator that provides access to over 15 leading sources of Urdu News and search facility of archived news since 2008.

48