معاون خصوصی ندیم افضل چن نے استعفیٰ دیدیا

وزیراعظم کے معاون خصوصی ندیم افضل چن نے استعفیٰ دیدیا۔

نمائندہ سماء سے گفتگو کرتے ہوئے ندیم افضل چن کے قریبی ذرائع نے استعفیٰ وزیراعظم کو بھجوانے کی تصدیق کردی۔

نمائندہ سماء کے مطابق ندیم افضل چن نے اپنے عہدے سے استعفیٰ دے دیا ہے، ان کی جانب سے تاحال مستعفی ہونے کی کوئی وجہ بیان نہیں کی گئی۔

گزشتہ روز کابینہ میٹنگ کے دوران وزیراعظم نے واضح کیا تھا کہ جو شخص پارٹی پالیسی کے مطابق نہیں چل سکتا وہ استعفیٰ دے دے۔

وزیراعظم عمران خان نے ندیم افضل چن کو جنوری 2019ء میں معاون خصوصی برائے پارلیمانی امور مقرر کیا تھا۔

ندیم افضل چن پاکستان تحریک انصاف میں شمولیت سے قبل پاکستان پیپلزپارٹی کا حصہ تھے، وہ معاون خصوصی بننے سے قبل وزیراعظم عمران خان کے ترجمان تھے۔


 

WATCH LIVE NEWS

Samaa News TV PTV News Live Express News Live 92 NEWS HD LIVE Pakistan TV Channels

Meta Urdu News: This news section is a part of the largest Urdu News aggregator that provides access to over 15 leading sources of Urdu News and search facility of archived news since 2008.

106