پی ڈی ایم سینیٹ الیکشن جیت چکی ہے، بلاول بھٹو زرداری

لاہور(روزنامہ اوصاف)چیئرمین پیپلزپارٹی بلاول بھٹو زرداری نے دعویٰ کیا ہے کہ پی ڈی ایم سینیٹ الیکشن جیت چکی ہے، ہم حکومت کو ہر میدان میں چیلنج کریں گے،کٹھ پتلی وزیراعظم کی گھبراہٹ اور بوکھلاہٹ سامنے ہے ، ہم اس نااہل،نالائق اور ناجائز وزیراعظم کوہٹا کر جمہوریت بحال کریں گے۔مریم نواز کیساتھ رائیونڈ میں ملاقات کے بعد میڈیا سے گفتگو کرتے ہوئے کہا کہ یوسف رضا گیلانی پی ڈی ایم کےسینیٹ الیکشن کیلئے مشترکہ امیدوار ہیں ،یوسف رضا گیلانی کی انتخابی مہم بہت ہی اچھے طریقے سے چلارہے ہیں

 اور ان کی انتخابی مہم اور سینیٹ انتخابات کے حوالے سےمسلم لیگ (ن) سمیت تمام پی ڈی ایم جماعتوں سے ہر روز تقریبا مشاورت جاری ہے اورہم ڈی ایم کی تمام جماعتیں ملکر محنت کررہی ہیں جس کا نتیجہ ضمنی انتخابات میں بھی دیکھ چکے ہیں اور عوام نے ثابت کیا ہے کہ عوام پی ڈی ایم کے ساتھ ہے اور یوسف رضا گیلانی کی جیت کے ساتھ یہ بھی ثابت ہو گا کہ عوام اور پارلیمانی پی ڈی ایم کے ساتھ ہیں ہم نوازشریف، شہبازشریف سمیت پوری مسلم لیگ ن کے شکر گزارہیں کہ انہوں نے ہمارے امیدوار یوسف رضاگیلانی پر اعتماد کا اظہارکیا ۔انہوں نے کہاکہ یوسف رضا گیلانی پہلے بھی مشترکہ طورپر وزیراعظم کا انتخاب جیت چکے ہیں اور انہوں ماضی میں بہترین کارکردگی دکھائی اور اچھے رویے کے ساتھ مسلم لیگ(ن) اور پیپلزپارٹی دونوں کیساتھ چلے ہیں ۔وہ نہ صرف پیپلزپارٹی اور ن لیگ بلکہ تمام اتحادی جماعتوں کے ایم پی ایز کا بڑا خیال رکھتے تھے ۔بلاول بھٹو نے کہاکہ کمال یہ ہے کہ یوسف رضا گیلانی کٹھ پتلی اور سلیکٹیڈ کے دور میں بھی انہوں نے حکومت کےاتحادیوں کے ایم این ایز کو بھی عزت دلوارہے ہیں اور ہم سمجھتے ہیں یہ جمہوریت اور پی ڈی ایم کی ایک قسم کی جیت ہو چکی ہے اور اب عوام کی نظریں تین مارچ پر ہیں ۔

ملک کے ہر کونے سے حکومت کو ضمنی الیکشن میں شکست کا سامنا کرنا پڑا ہے اور عوام نے ضمنی الیکشن میں سلیکٹڈ کو مسترد اور ریجیکٹ کردیا ہے ہم حکومت کو ہر میدان میں چیلنج کریں گے اور ہم سینیٹ میں بھی حکومت کو چیلنج کریں گے کٹھ پتلی وزیراعظم اور حکومت کی گھبراہٹ اور بوکھلاہٹ پورے پاکستان کے سامنے ہےاور ہم انشا اللہ سینیٹ الیکشن میں بھی کامیاب ہوں گا ، ہم اس نااہل،نالائق اور ناجائز وزیراعظم کو ہٹا کرجمہوریت کو بحال کریں گے جو عوام کی خدمت کرے گی ۔ہم سمجھتے ہیں کہ پی ڈی ایم کا جو مقصد ہے وہ بہت ناگزیر ہے کہ ہم جمہوریت کو بحال کریں ،یہ ہمارا لانگ ٹرم جدوجہد ہے کسی ایک گیم سے ہمیں کامیابی نہیں ملے گی اس پر ہمیں مسلسل کام کرنا پڑے گا ،ہم شارٹ ٹرم کٹھ پتلی ہے جو عوام پر ظلم ڈھا رہاہے اسے گھربھیجنا ہے ۔حفیظ شیخ کے حوالے سے سوال پر انہوں نے کہاکہ ہمارے دور میں جب حفیظ شیخ کو وزیرخزانہ بنانے کیلئے ہمارے اوپر کوئی دبائو نہیں تھا اس بات کا حفیظ شیخ سے بھی پوچھ لیں کہ پی ٹی آئی پر کوئی دبائو تھاکہ نہیں۔


 

WATCH LIVE NEWS

Samaa News TV PTV News Live Express News Live 92 NEWS HD LIVE Pakistan TV Channels

Meta Urdu News: This news section is a part of the largest Urdu News aggregator that provides access to over 15 leading sources of Urdu News and search facility of archived news since 2008.

52