قومی اسمبلی کا خصوصی اجلاس، اعتماد کے ووٹ کا سلسلہ جاری

قومی اسمبلی میں اہم ترین اجلاس اسپیکر اسد قیصر کی زیر صدارت شروع ہوگیا ہے۔

اجلاس کا آغاز ہوتے ہی وزیر خارجہ شاہ محمود قریشی کی جانب سے قومی اسمبلی میں ‏وزیراعظم پراعتماد کے ووٹ کی قرارداد پیش کردی گئی ہے۔

اسپیکر قومی اسمبلی کی جانب سے اعتماد کی قرارداد پر ووٹنگ سے متعلق اراکین کو طریقہ کار سے آگاہ کیا  گیا ہے۔

قرار داد پر ووٹنگ کا عمل شروع کردیا گیا ہے جس کے بعد اراکین کو اسپیکر کی دائیں جانب لابی میں جانے کا حکم  دے دیا گیا ہے۔

سب سے پہلا ووٹ عامر لیاقت نے ڈالا ہے جبکہ اراکین ووٹ ڈال کر لابی میں جاررہے ہیں۔

اسمبلی میں حکومت کے 174 جب کے 2 اپوزیشن کے ارکان موجود ہیں جب کا تعلق پی ڈی ایم سے نہیں ہے تاہم دونوں کی طرف سے وزیراعظم پر اعتماد کی قرارداد کی مخالفت کا امکان ہے۔

حکومت کے دو اراکین ووٹنگ میں حصہ نہیں لے سکتے ہیں کیونکہ فیصل واوڈا اپنے استعفیٰ کے باعث ووٹ نہیں ڈال سکتے جبکہ اسپیکر قومی اسمبلی اسد قیصر اجلاس کی صدارت کرنے کے باعث ووٹ نہیں ڈال سکتے ہیں۔

پارلیمنٹ لاجز کی سیکیورٹی بڑھا دی گئی ہے جبکہ پولیس اور رینجرز ارکان پارلیمنٹ لاجز کے باہر موجود ہیں۔

ووٹنگ کے بعد اسپیکر قومی اسمبلی نتائج کا اعلان کرینگے۔

-->


 

WATCH LIVE NEWS

Samaa News TV PTV News Live Express News Live 92 NEWS HD LIVE Pakistan TV Channels

Meta Urdu News: This news section is a part of the largest Urdu News aggregator that provides access to over 15 leading sources of Urdu News and search facility of archived news since 2008.

15