کیمرج امتحانات کا انعقاد پالیسی فیصلہ ہے،ایڈیشنل اٹارنی جنرل

فوٹو: سماء ڈیجیٹل

سندھ ہائی کورٹ میں ایڈیشنل اٹارنی جنرل نے بتایا ہے کہ او اور اے لیول کے امتحانات کی اجازت این سی او سی کے فیصلے کے مطابق دی گئی ہے۔

سندھ ہائی کورٹ میں اے اور او لیول کے طلبا کے فزیکل امتحانات کے خلاف درخواست کی سماعت ہوئی۔ وفاقی وزارت تعلیم نے جواب جمع کردیا۔ایڈیشنل اٹارنی جنرل کا کہنا تھا کہ او اور اے لیول کے امتحان کا انعقاد پالیسی فیصلہ ہے۔

جسٹس محمد علی مظہر نے ریمارکس دئیے کہ آپ وفاق سے ہدایت لے کر دلائل دے دیں۔عدالت نے فریقین سے دلائل طلب کرلئے۔ ایڈیشنل اٹارنی جنرل اور دیگر وکلا کو 22 اپریل کو دلائل دینے کی ہدایت کی گئی ہے۔

درخواست گزارطلبہ کے وکیل جبران ناصر نے عدالت کو بتایا کہ دنیا بھر میں امتحانات آن لائن لیے جا رہے ہیں۔پاکستان واحد ملک ہے جہاں امتحانات کے لیے بلایا جارہا ہے۔

درخواست گزار کے وکیل نے موقف اختیارکیا کہ کرونا صورتحال کے باعث امتحان کے لیے اکٹھا کرنا خطرناک ہوگا۔کیمرج طلبہ کے وکیل جبران ناصر نے کہا کہ اے لیول، او لیول امتحانات صوبائی معاملہ ہے۔کرونا سےمتعلق بیشترپالیسی وفاقی حکومت طے کررہی ہے۔


 

WATCH LIVE NEWS

Samaa News TV PTV News Live Express News Live 92 NEWS HD LIVE Pakistan TV Channels

Meta Urdu News: This news section is a part of the largest Urdu News aggregator that provides access to over 15 leading sources of Urdu News and search facility of archived news since 2008.

67