کے ڈی اے اراضیوں کی نیلامی کا عمل مکمل کرلیاگیا

ادارہ ترقیات کراچی (کے ڈی اے) کے زیر اہتمام سینیمار ہال سوک سینٹر میں رہائشی و کمرشل پلاٹوں کی نیلامی کا عمل (فوٹو: کے ڈی اے)

ڈائریکٹر جنرل ادارہ ترقیات نے نیلامی کیلئے آکشن کمیٹی قائم کی تھی جس کی سفارشات کی روشنی میں کراچی ڈیولپمنٹ اتھارٹی نے گزشتہ روز سے جاری کے ڈی اے اراضیوں کی نیلامی کا عمل کامیابی سے مکمل کرلیا۔

رپورٹ کے مطابق 21 اپریل کو ضلع کورنگی اور سرجانی ٹاؤن کے 26 پلاٹوں کی نیلامی مکمل ہونے کے بعد جمعرات کو شہر کے قیمتی علاقے کلفٹن، نیو کراچی اور گلستان جوہر کے 22 پلاٹس کی نیلامی انتظامیہ کے رائج کردہ طریقۂ کار کے تحت مکمل کرلی گئی ہے۔

ادارہ ترقیات کراچی کو اراضیوں کی نیلامی سے تقریباً پونے 2 ارب روپے حاصل ہوئے ہیں، کے ڈی اے اراضیوں کی نیلامی سے ناصرف ادارہ مالی طور پر مستحکم ہوگا بلکہ ملازمین کے بنیادی حقوق کی فراہمی میں حائل رکاوٹوں کا خاتمہ ممکن ہوگا۔

کے ڈی اے کے مطابق ادارہ ترقیات کراچی کی تاریخ میں پہلی بار نیلامی کا عمل کمپیوٹرائزڈ کیا گیا اور کے ڈی اے فیس بک کے ذریعے نیلامی کے عمل کو براہ راست نشر کیا گیا۔

کے ڈی اے اعلامیے میں بتایا گیا ہے کہ نیلامی کے دوران خواہشمند افراد نے شہر کے قیمتی ترین پلاٹس کو حاصل کرنے میں بھرپور حصہ لیا، کامیاب بولی دہندگان نے 25 فیصد بینک پے آرڈر کی مد میں رقم جمع کرائی جبکہ بقایاجات کی ادائیگی کے بعد کامیاب بولی دہندگان کو پلاٹس الاٹ کردیئے جائیں گے۔

رپورٹ کے مطابق نیلامی کے عمل کے دوران ڈائریکٹر لینڈ، سیکریٹری کے ڈی اے، ڈائریکٹر ریکوری، ڈائریکٹر آئی ٹی، ڈائریکٹر اسٹیٹ اینڈ انفورنسمنٹ، ایڈیشنل ڈائریکٹر کمرشل سمیت دیگر افسران موجود تھے۔


 

WATCH LIVE NEWS

Samaa News TV PTV News Live Express News Live 92 NEWS HD LIVE Pakistan TV Channels

Meta Urdu News: This news section is a part of the largest Urdu News aggregator that provides access to over 15 leading sources of Urdu News and search facility of archived news since 2008.

82