علی ظفر کا نعتیہ کلام ریلیز ہوتے ہی مقبول

پاکستان شوبز انڈسٹری کے مقبول تررین گلوکار و اداکار علی ظفر کا نعتیہ کلام ریلیز کر دیا گیا ہے۔

علی ظفر نے رمضان المبارک کے مقدس مہینے کی مناسبت سے مشہور نعت”بلغ العلیٰ بکمالہ” اس عقیدت و احترام کے ساتھ پڑھی ہے کہ سننے والوں پر سحر طاری ہوجاتا ہے۔

متعلقہ خبرہمایوں سعید، ریشم، محمدعلی شہکی کو صدارتی حسن کارکردگی ایوارڈ سے نواز دیا گیا

یوم پاکستان کے موقع پرایوارڈز دینے کی پروقار تقریب میں شاندار کارکردگی...

علی ظفر نے اپنے سوشل میڈیا اکاؤنٹس پر اپنا نعتیہ کلام شیئر کیا ہے۔

علی ظفر کی جانب سے شیئر کیے جانے والے پیغام کی کیپشن میں اداکار نے  لکھا کہ امید ہے کہ اس کو سننے کے ساتھ آپ کے دل کو سکون آئے گا جیسے پڑھتے وقت میرے ساتھ ہوا۔

My heartfelt rendition of Balaghal Ula Bi Kamaalihi. Hope it brings peace to your heart while listening as it did to mine while rendering. | Ali Zafar | Naat https://t.co/hoYw2ztUOh. کوئی حد ہے ان کے عروج کی (صلى الله عليه وسلم) #BalaghalUlaBiKamaalihi

— Ali Zafar (@AliZafarsays) May 4, 2021

گلوکار علی ظفر کی جانب سے ریلیز کیے جانے والے نعتیہ کلام کو مداحوں کی جانب سے بہت پسند کیا جا رہا ہے۔

 جبکہ مختلف لوگ انٹرنیٹ پر اسے شیئر بھی کررہے ہیں جہاں بھی اسے سراہا اور سنا جارہا ہے۔

واضح رہے کہ صدرِ پاکستان عارف علوی کی جانب سے گلوکار اور اداکار علی ظفر کو تمغہ حسن کارکردگی سے نوازا گیا تھاْ۔

 یومِ پاکستان کے موقع پرایوارڈز کی تقریب میں علی ظفر کی والدہ پروفیسر ڈاکٹر کنول امین اور بیگم عائشہ فاضلی بھی علی ظفر کے ہمراہ موجود تھی۔

گلوکار اور اداکار علی ظفر کی والدہ پروفیسر ڈاکٹر کنول امین نے کہا تھا کہ فخر ہے کہ میں علی ظفر جیسے بیٹے کی ماں ہوں۔

علی ظفر کی اہلیہ عائشہ فاضلی نے کہا تھا کہ علی اچھے گلوکار اور اداکار ہی نہیں بلکہ بہترین انسان بھی ہیں۔

گلوکارعلی ظفر 1980ء میں مڈل کلاس فیملی میں پیدا ہوئے جو تین بھائیوں میں سب سے بڑے ہیں ۔

تاہم والدہ لائبریرین اور والد یونیورسٹی میں فائن آرٹس کے استاد تھے۔

 گلوکار علی ظفر نے 18 سال کی عمر میں پی سی ہوٹل کی لابی میں اسکیچنگ سے آغاز کیا تھا۔

چھنّو کی آنکھ سے راک سٹار اور پھر سیٹی بجے گئی سے لے کر ایک قوم ایک منزل تک  سفر طے کیا تھا۔

علی ظفر کے ہر گیت نے میلہ لوٹ لیا جبکہ علی ظفر نے پاکستان کے علاوہ بھارت میں بھی اپنی گلوکاری اور اداکاری کا لوہا منوایا۔

بھارت میں تیرے بن لادن، میرے برادر کی دلہن، کِل دل، ٹوٹل سیاپا، لندن پیریس نیویارک، چشمِ بدور اور ڈیر زندگی جیسے بڑی فلموں میں نمایاں اور یادگار رولز کئے۔

بعد ازاں پاکستانی سینما کی سب سے بڑی فلم طیفا ان ٹربل بنائی جس نے ملک بھر میں ریکارڈ بزنس کیا۔

دوسری جانب علی ظفر نے کورونا وائرس کے دوران بھی قومی خدمت میں بڑھ چڑھ کر حصہ لیا اور لوک ڈاؤن کے دوران علی ظفر فاونڈیشن نے 11 ہزار خاندانوں میں راشن تقسیم کیا ۔

جبکہ 850 موسیقاروں اور ٹرانسجینڈرز کو مالی مدد فراہم کی،علی ظفر فاونڈیشن غریب طالبات کو تعلیمی وظائف بھی دے رہی ہے۔

--> Double Click 970 x 90

 

WATCH LIVE NEWS

Samaa News TV PTV News Live Express News Live 92 NEWS HD LIVE Pakistan TV Channels

Meta Urdu News: This news section is a part of the largest Urdu News aggregator that provides access to over 15 leading sources of Urdu News and search facility of archived news since 2008.

41