امریکا: 5سے 11سال کے بچوں کی بھی کروناویکسینیشن کافیصلہ

image

امریکا نے کرونا وائرس سے بچاؤ کیلئے 5 سے 11 سال کے بچوں کی بھی ویکسینیشن شروع کرنے کا فیصلہ کیا ہے، جس کے نتیجے میں مزید 2 کروڑ 80 لاکھ (28 ملین) ویکسین لگوانے کے اہل ہوں گے۔

وائٹ ہاؤس کا کہنا ہے کہ اس منصوبہ بندی کا فیصلہ سی ڈی سی کی سفارشات کی روشنی میں کیا گیا۔

ادویہ ساز ادارے فائزر نے 5 سے 11 سال کے بچوں کی ویکسینیشن کیلئے گزشتہ ماہ اجازت مانگی تھی اور اس پر دو پینل بحث کریں گے، پہلا پینل فوڈ اینڈ ڈرگ ایڈمنسٹریشن کے زیر اہتمام آئندہ ہفتے جبکہ دوسرا سی ڈی سی کے تحت 2 اور 3 نومبر کو ملاقات کریگا۔

وائٹ ہاؤس کے مطابق اس منصوبے کے تحت 5 سے 11 سال کی عمر کے 2 کروڑ 80 لاکھ بچوں کو کرونا وائرس سے بچاؤ کی ویکسین لگائی جائے گی، انہیں بالغان کے 30 مائیکرو گرام کے مقابلے میں 21 روز کے وقفے سے 10 مائیکرو گرام کی دو خوراکیں دی جائیں گی۔

فائزر۔بایو این ٹیک کی ویکسین 10 سال سے زائد عمر کے افراد کے استعمال کیلئے مکمل طور پر منظور کی جاچکی ہے جبکہ ایف ڈی اے کی جانب سے 12 سے 15 سال کی عمر کے بچوں کیلئے ایمرجنسی استعمال کی اجازت مئی میں دی گئی تھی۔


News Source   News Source Text

WATCH LIVE NEWS

مزید خبریں
تازہ ترین خبریں
مزید خبریں

Meta Urdu News: This news section is a part of the largest Urdu News aggregator that provides access to over 15 leading sources of Urdu News and search facility of archived news since 2008.