ٹی ٹوئنٹی ورلڈ کپ، نمیبیا نے نیدرلینڈز کو شکست دیدی

image

ٹی ٹوئنٹی ورلڈکپ کے کوالیفائنگ راؤنڈ میں نمیبیا نے نیدرلینڈز کو 6 وکٹ سے شکست دیدی ہے۔

تفصیلات کے مطابق  ابو ظہبی میں جاری آئی سی سی ٹی ٹوئنٹی ورلڈ کپ کے ابتدائی مرحلے کے 7ویں میچ میں نمیبیا نے نیدرلینڈز کے خلاف ٹاس جیت کر فیلڈنگ کا فیصلہ کیا تاہم ان کا فیصلہ درست ثابت نہ ہوا۔

نیدرلینڈز کے اوپنرز نے میچ کا عمدہ آغاز کیا اور 4وکٹ کے نقصان پر 164رنز بنائے، میکس او ڈاڈ نے 70رنز بنائے اور کولن آکرمین 35 رنز بناکر نمایاں رہے۔

نمیبیا کی جانب سے جان جریلنک نے 2 اور ڈیوڈ ویسے نے ایک وکٹ حاصل کی۔

نمیبیا نے ایک اوور پہلے ہی 4وکٹ کے نقصان پر مطلوبہ ہدف حاصل کرلیا،اسٹیفن بارڈ 19، زین گرین 15، کریگ ویلیمس 11اور کپتان گرہارڈ نے 32 رنز کی اننگز کھیلی۔

 تاہم آل راؤنڈر ڈیوڈ ویزے نے جیت میں اہم کردار ادا کرتے ہوئے نصف سنچری اسکور کی۔ڈیوڈ ویزے نے 40رنز پر 66رنز کی ناقابل شکست اننگز کھیلی جس میں 5چھکے اور 4 چوکے شامل تھے۔

ورلڈکپ کے پہلے مرحلے میں نیدرلینڈز اور نمیبیا دونوں اپنے پہلے میچز ہار چکی ہیں۔

 سری لنکا نے نمیبیا کو 7 وکٹ سے شکست دی تھی جبکہ آئرلینڈ نے نیدرلینڈز کو 7 وکٹ سے ہی شکست دی تھی۔

Adsence 300X250


News Source   News Source Text

WATCH LIVE NEWS

مزید خبریں
کھیلوں کی خبریں
مزید خبریں

Meta Urdu News: This news section is a part of the largest Urdu News aggregator that provides access to over 15 leading sources of Urdu News and search facility of archived news since 2008.