ڈھاکہ ٹیسٹ: خراب موسم بنگلادیش کی مدد کو آپہنچا

image

ڈھاکہ: پاکستان اور بنگلادیش کے درمیان جاری دوسرے ٹیسٹ میچ کے پہلے دن کا کھیل بارش اور کم روشنی کے باعث روک دیا گیا ہے۔

ڈھاکہ کے شیر بنگلا کرکٹ اسٹیڈیم میں پاکستان اور بنگلادیش کے درمیان ٹیسٹ سیریز کا دوسرا ٹیسٹ میچ جاری ہے جس کے پہلے دن کا کھیل بارش اور کم روشنی کے باعث روک دیا گیا ہے۔

پہلے دن کے کھیل کے اختتام تک پاکستان نے 2 وکٹوں کے نقصان پر 161 رنز اسکور کرلیے ہیں جبکہ آج کا دن پاکستان کے بلے بازوں کے نام رہا۔

کپتان بابر اعظم 60 رنز کے ساتھ کریز پر موجود ہیں جبکہ کپتان کا ساتھ اظہر علی دے رہے ہیں جو اب تک 36 رنز بناچکے ہیں جبکہ اوپنرز عابد علی 39 رنز اور  عبداللہ شفیق 25 رنز بناکر پویلین لوٹ گئے ہیں۔

علاوہ ازیں پاکستان کے پیئنگ الیون میں کپتان بابر اعظم، نائب کپتان محمد رضوان، عابد علی، عبداللہ شفیق، اظہر علی، فواد عالم، فہیم اشرف، حسن علی، نعمان علی، ساجد خان اور شاہین شاہ آفریدی شامل ہیں۔

واضح رہے کہ پاکستان اور بنگلادیش کے درمیان دو ٹیسٹ میچز پر مشتمل سیریز کھیلی جارہی ہے جس کا پہلا میچ جیت کر پاکستان کو سیریز میں 1،0 کی برترتی حاصل ہے۔

اس سے قبل کھیلے گئے پہلے ٹیسٹ میچ میں پاکستان نے بنگلادیش کو 8 وکٹوں سے شکست دی تھی  جس میں اوپنرز عابد علی اور عبداللہ شفیق نے بیٹنگ میں اہم کردار کیا تھا۔

یاد رہے کہ سیریز میں شامل دونوں ٹیسٹ میچز آئی سی سی ورلڈ ٹیسٹ چیمپئن شپ کا حصہ ہیں جبکہ پاکستان کے دورہ بنگلادیش کے دوران 3 ٹی ٹوئنٹی میچز پر مشتمل سیریز بھی کھیلی گئی جس میں پاکستان نے بنگلادیش کو کلین سوئپ کردیا تھا۔

Square Adsence 300X250


News Source   News Source Text

WATCH LIVE NEWS

مزید خبریں
کھیلوں کی خبریں
مزید خبریں

Meta Urdu News: This news section is a part of the largest Urdu News aggregator that provides access to over 15 leading sources of Urdu News and search facility of archived news since 2008.