مختلف قسم کے ٹیکسز صنعت کے پھیلاؤ میں رکاوٹ پیدا کر رہے ہیں، ہوزری مینوفیکچررز

image

لاہور: صوبائی وزیر صنعت و تجارت میاں اسلم اقبال سے پاکستان ہوزری مینوفیکچررز اینڈ ایکسپورٹرز ایسوسی ایشن کے وفد نے ملاقات کی جبکہ وفد کی قیادت ایسوسی ایشن کے چیئرمین شہزاد اعظم خان کر رہے تھے۔

سول سیکرٹریٹ میں ہونے والی ملاقات میں ہوزری مینوفیکچررز اینڈ ایکسپورٹرز کو درپیش مسائل پر بات چیت ہوئی جبکہ اس موقع پر شہزاد اعظم خان کا کہنا تھا کہ مختلف قسم کے ٹیکسز صنعت کے پھیلاؤ میں رکاوٹ پیدا کر رہے ہیں۔

سربراہ وفد شہزاد اعظم خان کا مزید کہنا تھا کہ نت نئے ٹیکسز سے پیداواری لاگت بڑھ رہی ہے لہذا ٹیکسوں کو یکجا کیا جائے جبکہ صوبائی وزیر نے ہوزری مینوفیکچررز اور ایکسپورٹرز کے مسائل کو ترجیحی بنیادوں پر حل کرنے کی یقین دہانی کروائی ہے۔

صوبائی وزیرمیاں اسلم اقبال کا کہنا تھا کہ صنعتکاروں کی سہولت کے لئے رائیونڈ مانگا روڈ کو بہتر کیا جائے گا جبکہ صوبائی وزیر نے رائیونڈ مانگاروڈ کو انڈسٹریل زون ڈیکلیئرکرنے اور روڈ انفراسٹرکچر کی بہتری کا پلان بنانے کی ہدایت کی ہے۔

صوبائی وزیرمیاں اسلم اقبال کا کہنا تھا کہ تمام علاقوں میں واسا ریٹ کو یکساں کرنے کے حوالے سے اقدامات کئے جائیں گے اور انڈسٹری میں مشینوں پر کام کرتے ہوئے موبائل فون کے استعمال کی روک تھام کے لئے بھی لائحہ عمل بنایا جائے گا۔

صوبائی وزیرمیاں اسلم اقبال کا کہنا تھا کہ اسٹیک ہولڈرز کی مشاورت سے ٹیکسوں کو یکجا کیا جا رہا ہے، انڈسٹری کو تربیت یافتہ لیبر کی فراہمی کیلئے ہرممکن تعاون کیا جائے گا۔

وفد میں ایگزیکٹو ممبرز ایم آئی خرم، شیخ ظفر محمود، محمد امان اللہ خان اور دیگر شامل تھے جبکہ سیکرٹری صنعت و تجارت ڈاکٹر واصف خورشید، ایڈیشنل سیکرٹری کامرس،ڈی جی انڈسٹریز، سی ای او پیڈمک اور متعلقہ افسران بھی ملاقات میں موجود تھے۔

Square Adsence 300X250


News Source   News Source Text

WATCH LIVE NEWS

مزید خبریں
پاکستان کی خبریں
مزید خبریں

Meta Urdu News: This news section is a part of the largest Urdu News aggregator that provides access to over 15 leading sources of Urdu News and search facility of archived news since 2008.