خیبرپختونخوا :طالب علم غیرت کے نام پر قتل

image

خیبرپختونخوا کے پسماندہ ترین ضلع لوئرکوہستان میں تو ویسے غیرت کے نام پر قتل عام روایت بن گئی ہے مگر اب اس بہتان سے نابالغ بچے بھی محفوظ نہیں رہے۔

اطلاعات کے مطابق تین روز قبل جیجال گاؤں میں ایک پندرہ سالہ طالب علم سکول جاتے ہوئے گولی ماردی گئی جو ساتویں جماعت کا طالب علم تھا۔

ڈی پی او لوئرکوہستان ذوالفقارنے ہم نیوز کو بتایا کہ ملزم تاج محمد نے پہلے اپنی بیوی کو قتل کیا اور پھر باہر آکر صلاح الدین پر گولی چلادی۔

واقعہ کے بعد مقتولہ خاتون کے والد کی مدعیت میں ملزم کے خلاف مقدمہ درج کرلیا گیا تاہم ملزم تاحال ملزم مفرور ہے اور گرفتاری کے لئے چھاپے مارے جارہے ہیں ۔

مقامی سوشل ورکر نبی اللہ نے ہم نیوز سے بات کرتے ہوئے بتایا کہ غیرت کے نام پر گزشتہ دو دنوں میں دو قتل ہوئے جس میں ایک پولیس اہلکار بھی شامل ہے ۔

نبی اللہ نے بتایا کہ جس پر الزام لگانا ہو تو “یہ میرا چورہے” پکارا جاتا ہے اور پھر غیرت کے نام پر قتل کردیا جاتا ہے۔

نوجوان سوشل ایکٹیوسٹ نے کہا کہ یہ فرسودہ اور غیراسلامی طریقہ کوہستان میں عام ہے جس کے خلاف کوئی بھی آواز اٹھانے کو تیار نہیں ہے۔

سوشل ورکر نبی اللہ نے حکومت سے مطالبہ کیا غیرت کے نام پر اس ظلم کو روکنے کے لئے قانون سازی کی ضرورت ہے۔

یاد رہے کہ کوہستان میں ویڈیوسکینڈل کا واقعہ 2012 میں پیش آیا تھا جس میں پانچ لڑکیوں سمیت 6 افراد قتل ہوئے تھے


News Source   News Source Text

WATCH LIVE NEWS

مزید خبریں
پاکستان کی خبریں
مزید خبریں

Meta Urdu News: This news section is a part of the largest Urdu News aggregator that provides access to over 15 leading sources of Urdu News and search facility of archived news since 2008.