اسلام آباد یوناٹئیڈ میں شمولیت سے پرچی کے طعنے سے آزاد ہوگیا، اعظم خان

image

قومی ٹیم کے سابق کپتان معین خان کے صاحبزادے اعظم خان کا کہنا ہے کہ اسلام آباد یوناٹئیڈ میں شمولیت سے پرچی کے طعنے سے آزاد ہوگیا ہوں۔

پاکستان سپر لیگ کے ساتویں ایڈیشن میں کوئٹہ گلیڈی ایٹرز سے اسلام آباد یونائیٹڈ میں شامل ہونے والے وکٹ کیپر بلے باز اعظم خان نے نجی ٹی وی چینل سے بات کرتے ہوئے کہا کہ کوئٹہ کی ٹیم میں والد کی وجہ سے لوگ پرچی کا طعنہ دیتے ہیں لیکن اسلام آباد میں آنے سے میں اس سے آزاد ہوگیا ہوں۔

کوئٹہ گلیڈی ایٹرز کے کوچ معین خان کے صاحبزادے نے کہا کہ کچھ وقت پہلے تک مجھے کوئی بھی ٹیم لینے کو تیار نہیں تھی لیکن آج مجھے خود بلایا جارہا ہے جو ایک اچھی بات ہے اور میں بھی ان کی توقعات کے مطابق کارکردگی دکھانے کی بھرپور کوشش کروں گا۔

اعظم خان کا کہنا تھا کہ میری ہمیشہ سے کوشش رہی ہے کہ اپنا نیچرل گیم کھیل کر ٹیم کی فتوحات میں اہم کردار ادا کرسکوں لیکن میرا اصل ہدف پاکستان  کی نمائندگی کرنا ہے۔

ٹی ٹوئنٹی ورلڈکپ اسکواڈ میں شامل ہونے اور پھر ڈراپ ہونے سے متعلق سوال پر وکٹ کیپر بلے باز نے کہا کہ شروع میں مایوس ہوگیا تھا لیکن پھر یہ سوچ کر سکون آگیا کہ جو ہوتا ہے اچھے کے لیے ہوتا ہے اور کیریئر کے آغاز میں ہی ایسے تجربات سے گزرنا میرے لیے بہت سود مند رہے گا۔

Square Adsence 300X250


News Source   News Source Text

WATCH LIVE NEWS

مزید خبریں
کھیلوں کی خبریں
مزید خبریں

Meta Urdu News: This news section is a part of the largest Urdu News aggregator that provides access to over 15 leading sources of Urdu News and search facility of archived news since 2008.