گانے کی نقل کرنے پر ابرارالحق کی کرن جوہر کے خلاف عدالت جانے کی دھمکی

image
پاکستانی گلوکار ابرارالحق نے انڈین ہدایتکار کرن جوہر کو خبردار کیا ہے کہ وہ اپنے گانے کو بغیر اجازت استعمال کرنے پر ان کے خلاف عدالت سے رجوع کریں گے۔

واضح رہے ’دھرما پروڈکشنز‘ کے بینر تلے بننے والی فلم ’جگ جگ جیو‘ 24 جون کو سینما گھروں میں ریلیز کی جائے گی اور اس فلم میں ابرار الحق کا گانا ’نچ پنجابن‘ استعمال کیا گیا ہے۔

ابرار کا اتوار کو ایک ٹویٹ میں کہنا تھا کہ ’میں نے اپنا گانا نچ پنجابن کسی انڈین فلم کو نئی بیچا ہے اور میں عدالت جاکر ہرجانہ وصول کرنے کا حق محفوظ رکھتا ہوں۔‘

انہوں نے کرن جوہر کو مخاطب کرتے ہوئے لکھا ’کرن جوہر کی طرح کے ہدایتکاروں کو نقل کیے گئے گانے استعمال نہیں کرنے چاہییں۔ یہ میرے چھٹے گانے کی نقل کی گئی ہے جس کی اجازت نہیں دی جائے گی۔‘

فلم ’جگ جگ جیو‘ میں مرکزی کرداروں میں انیل کپور، نیتو سنگھ، ورن دھون اور کائرہ ایڈوانی نظر آئیں گے۔


News Source   News Source Text

WATCH LIVE NEWS

مزید خبریں
آرٹ اور انٹرٹینمنٹ
مزید خبریں

Meta Urdu News: This news section is a part of the largest Urdu News aggregator that provides access to over 15 leading sources of Urdu News and search facility of archived news since 2008.