پریڈ گراونڈ جلسہ: عمران خان کا راولپنڈی سے ریلی لیکر پہنچنے کا اعلان

image

پاکستان تحریک انصاف کے چیئرمین عمران خان نے کہا ہے کہ وہ کل راولپنڈی سے ریلی لے کر پریڈ گراونڈ پہنچیں گے۔

اپنی ٹوئٹ میں انہوں نے کہا کہ کل پریڈ گراؤنڈ میں امپورٹڈ حکومت کے خلاف تاریخی جلسہ کرنے جا رہے ہیں، اس حکومت نےملک میں سیاسی عدم استحکام پیدا کیا اور سخت گرمی سے ستائے عوام پر لوڈشیڈنگ اور مہنگے پیٹرول کا بوجھ ڈالا ہے۔

InshaAllah tomorrow will be our historic Islamabad jalsa at Parade Ground against Imported govt’s pol destabilisation & crushing our people under the burden of excessive loadshedding in peak of summer & spiralling fuel prices. I will be leading a rally from Pindi to Parade Ground

— Imran Khan (@ImranKhanPTI)

دوسری جانب ڈسٹرکٹ مجسٹریٹ اسلام آباد نے پاکستان تحریک انصاف کو پریڈ گراؤنڈ میں جلسے کی اجازت دے دی۔

سپریم کورٹ کی ہدایت پر جلسے کے دن اور مقام کا تعین کیا گیا ہے جلسہ کی اجازت صرف پریڈ گراؤنڈ کے مقام کے لیے مشروط ہے۔

این او سی کے مطابق اسلام آباد ہائیکورٹ کے حکم کے تحت سیاسی جماعتیں امن و امان کے حوالے سے تعاون کرنے کی پابند ہیں آئین کے آرٹیکل پندرہ اور سولہ میں دی گئی گارنٹی کے مطابق اجازت دی گئی ہے۔

این او سی میں کہا گیا ہے کہ پی ٹی آئی کے نمائندہ علی نواز اعوان نے تمام قواعد و ضوابط کی پابندی کی یقین دہانی کرائی گئی ہے جلسہ کے موقع پر ایکسپریس وئے اور مری روڈ کو ٹریفک کے لیے کھلا رکھا جائے گا اور جلسہ رات بارہ بجے ختم کرنا ہوگ جب کہ جلسہ گاہ میں مسلح افراد کے داخل ہونے کی اجازت نہیں ہوگی

این او سی میں بتایا گیا ہے کہ ریڈ زون کے ایک کلومیٹر کی حدود میں دفعہ 144 نافذ ہے اور پریڈ گراونڈ جلسے کے آرگنائزر تمام قواعد و ضوابط کی پاسداری کرنے کے پابند ہوں گے۔


News Source   News Source Text

مزید خبریں
پاکستان کی خبریں
مزید خبریں

Meta Urdu News: This news section is a part of the largest Urdu News aggregator that provides access to over 15 leading sources of Urdu News and search facility of archived news since 2008.