پنجاب کے 5 کروڑ 50 لاکھ افراد کو رواں ماہ سے مفت بجلی دی جائیگی، وزیراعلٰی

image

لاہور: وزیراعلیٰ پنجاب حمزہ شہباز نے کہا ہے کہ حکومت پنجاب 100 یونٹ تک بجلی استعمال کرنے والوں کا بل ادا کرے گی، اگست میں آنے والے بجلی کے بلوں کی ادائیگی صوبائی حکومت کرے گی۔

ہم نیوز کے مطابق پاکستان مسلم لیگ (ن) سے تعلق رکھنے والے وزیراعلیٰ پنجاب حمزہ شہباز نے یہ بات اراکین قومی و صوبائی اسمبلی سے ملاقات کے دوران بات چیت کرتے ہوئے کہی۔

وزیراعلیٰ پنجاب سے ملاقات کرنے والے اراکین قومی و صوبائی اسمبلی نے عوام کے لیے مفت بجلی فراہم کرنے کے اقدام کو سراہا۔

پاکستان مسلم لیگ (ن) سے تعلق رکھنے والے وزیراعلیٰ پنجاب حمزہ شہباز نے کہا کہ عوام کی مشکلات کا احساس ہے، عوام کو ریلیف دینا پہلی ترجیح ہے اور رہے گی، مفت بجلی کی فراہمی سے عوام کو ریلیف ملے گا۔

انہوں نے کہا کہ سیاست ہوتی رہے گی، اب ریاست بچانے کا سوال ہے، مفت بجلی کی فراہمی سے عام آدمی کوحقیقی معنوں میں ریلیف ملے گا، مفت بجلی کی فراہمی مسلم لیگ ن کی حکومت کا غریب پرور اقدام ہے، حکومت کا یہ اقدام عام آدمی کی مشکلات میں کمی لائے گا۔

وزیراعلیٰ حمزہ شہباز نے کہا کہ 100 یونٹ تک بجلی استعمال کرنے والوں کا بل حکومت پنجاب ادا کرے گی، اگست مین آنے والے بجلی کے بلوں کی ادائیگی حکومت پنجاب کرے گی، صوبے کے 5 کروڑ 50 لاکھ افراد کو رواں ماہ سے مفت بجلی دی جائے گی۔

17 جولائی کو عوام جس کو چاہیں ووٹ دیں، قبول کریں گے،حمزہ شہباز

ہم نیوز کے مطابق حمزہ شہباز نے اراکین قومی و صوبائی اسمبلی سے گفت و شنید کرتے ہوئے کہا کہ روشن گھرانہ پروگرام کا آغاز رواں ماہ سے کیا گیا ہے، معیشت سنبھالنے کے ساتھ عام آدمی کو ریلیف دینے کے لیے کاوش جاری ہیں، نعرے نہیں لگاتے بلکہ وعدے نبھاتے اوران پر عمل کر کے دکھاتے ہیں۔


News Source   News Source Text

مزید خبریں
پاکستان کی خبریں
مزید خبریں

Meta Urdu News: This news section is a part of the largest Urdu News aggregator that provides access to over 15 leading sources of Urdu News and search facility of archived news since 2008.