بلوچستان میں موسلا دھار بارشیں، کوئٹہ میں ایمرجنسی نافذ، 6 افراد جاں بحق

image

کوئٹہ: صوبہ بلوچستان میں ہونے والی تیز موسلا دھار بارشوں کے بعد کوئٹہ میں ایمرجنسی نافذ کردی گئی ہے۔

ہم نیوز کے مطابق پرونشل ڈیزاسٹر منیجمنٹ اتھارٹی (پی ڈی ایم اے) نے کہا ہے کہ مون سون بارشوں کے بعد ہونے والے نقصانات کو مدنظر رکھتے ہوئے ضلع کوئٹہ میں ایمرجنسی نافذ کی گئی ہے۔

پی ڈی ایم کی جانب سے جاری کردہ اعلامیے میں کہا گیا ہے کہ گزشتہ روز بارشوں کے باعث 6 افراد جاں بحق ہوئے تھے۔

کوئٹہ کے ڈپٹی کمشنر نے بتایا ہے کہ مون سون بارشوں سے 13 افراد زخمی ہو چکے ہیں اور درجنوں مکانات گر گئے ہیں۔

ہم نیوز کے مطابق ڈپٹی کمشنر کوئٹہ کا کہنا ہے کہ بارشوں سے متاثرہ 40 سے زائد خاندانوں کو اب تک محفوظ مقامات پر منتقل کیا جا چکا ہے۔

خلیجی ویب سائٹ اردو نیوز کے مطابق بارشوں سے سب سے زیادہ نقصان کوئٹہ میں ہوا ہے جہاں ایک ہی خاندان کے 6 افراد جاں بحق ہوئے ہیں جب کہ خروٹ آباد میں ایک بچی بارش کے پانی میں ڈوب کر جان کی بازی ہار گئی ہے۔

پنجاب میں 7 جولائی تک بارشوں کا امکان، نشیبی علاقے زیر آب آنے کا خطرہ

ویب سائٹ کے مطابق اس کے نمائندے نے پولیس اور مقامی حکام کے حوالے سے بتایا ہے کہ بلوچستان میں بارشوں کے نتیجے میں پیش آنے والے مختلف واقعات میں 11 افراد جاں بحق ہوئے ہیں۔


News Source   News Source Text

مزید خبریں
تازہ ترین خبریں
مزید خبریں

Meta Urdu News: This news section is a part of the largest Urdu News aggregator that provides access to over 15 leading sources of Urdu News and search facility of archived news since 2008.