ملک میں 8 محرم الحرام کی مناسبت سے نکالے جانے والے جلوس اختتام پذیر

image

اسلام آباد: ملک کے مختلف شہروں میں 8 محرم الحرام کی مناسبت سے جلوس مذہبی عقیدت و احترام کے ساتھ برآمد کیے گئے جو اپنے طے شدہ راستوں سے ہوتے ہوئے مقررہ مقامات پہ اختتام پذیر ہوگئے، اس موقع پر مجالس کا انعقاد بھی کیا گیا۔

ہم نیوز کے مطابق 8 محرم الحرام کے جلوسوں کے راستوں پر سیکیورٹی کے انتہائی سخت انتظامات کیے گئے تھے جب کہ راستوں کے داخلی و خارجی راستوں کو کنٹینرز لگا کر بند کردیا گیا تھا۔

مقامی انتظامیہ اور پولیس حکام نے فول پروف سیکیورٹی کے انتظامات کو یقینی بنانے کے لیے راستوں کے اطراف واقع مارکیٹوں و دکانوں کو بھی سیل کردیا تھا اور عام شہریوں کو متبادل راستے اختیار کرنے کی ہدایت کی تھی۔

محرم الحرام کے حوالےسے نکالے جانے والے جلوسوں کے راستوں کے اطراف بھی سیکیورٹی حکام کی سفارش پر موبائل فون سروسز بھی عارضی طور پر معطل کی گئی تھیں۔

وفاقی دارالحکومت اسلام آباد میں 9 اور 10 محرم الحرام کو ڈبل سواری پر پابندی عائد کی گئی ہے جب کہ سندھ بھر میں بھی ڈبل سواری پر پابندی عائد رکھنے کا اعلان کیا گیا ہے۔

پنجاب حکومت کا شریف خاندان کی سیکیورٹی پر تعینات 500 اہلکار واپس بلانے کا اعلان

ہم نیوز کے مطابق 8 اور 9 محرم الحرام کے موقع پر بھی ملک کے مختلف شہروں میں موبائل فون سروسز عارضی طور پر معطل رکھی جائیں گی اور سیکیورٹی کے انتہائی سخت انتظامات کیے جائیں گے۔


News Source   News Source Text

مزید خبریں
پاکستان کی خبریں
مزید خبریں

Meta Urdu News: This news section is a part of the largest Urdu News aggregator that provides access to over 15 leading sources of Urdu News and search facility of archived news since 2008.