پہلے سبز ہلالی پرچم کی تیاری میں ہندو نوجوان نے کیسے مدد کی؟تفصیلات جانیں اس خبرمیں

image

 پرچم کسی بھی ملک کا امتیازی نشان اور اس کی عزت و وقار کی علامت ہوتا ہے، ہمارا سبز اور سفیدپرچم ہمارے ملک کی پہچان ہے۔ آج پاکستان کے 75 ویں یومِ آزادی کے موقع پر ہم آپ کو بتاتے ہیں کہ ہمارا پرچم سب سے پہلے کب اور کہاں لہرایا گیا تھا۔پاکستان کا قومی پرچم سب سے پہلے فرانس کی سر زمین پر 11 اگست 1947ء کو لہرایا گیا تھا یعنی یہ واقعہ پاکستان کے قیام سے 3 دن قبل پیش آیا تھا۔برصغیر کی تقسیم سے قبل متحدہ ہندوستان کی جانب سے 9 سے 17 اگست 1947ء کے درمیان چھٹی بین الاقوامی اسکاؤٹ جمبوری میں شرکت کے لیے اسکاؤٹس کا ایک دستہ فرانس کے شہر مائیسن (Miosson) گیا ہوا تھا، اس دستے کے لیڈر آل انڈیا بوائے اسکاؤٹس ایسوسی ایشن کے سیکریٹری جنرل مسٹر جی ٹی جے تھیڈیس تھے۔ابھی یہ جمبور ی جاری تھی کہ 15 اگست 1947ء کا دن قریب آ پہنچا، یہ وہ دن تھا جب برصغیر کو تقسیم ہونا اور پاکستان اور بھارت کی مملکتوں کو وجود میں آنا تھا، چنانچہ اس دن کی اہمیت کے پیشِ نظر جمبوری میں شریک تمام ہندوستانی اسکاؤٹس نے فیصلہ کیا کہ وہ 15 اگست 1947ء کو اپنے اپنے ملک کے پرچم جمبوری میں لہرائیں گے۔اس دستے میں جو اسکاؤٹس بھارتی علاقے سے تعلق رکھتے تھے وہ اپنا پرچم اپنے ہمراہ لے کر گئے تھے، جبکہ پاکستانی علاقے سے تعلق رکھنے والوں کو اپنے پرچم کی ترتیب اور بناؤٹ معلوم نہیں تھی۔ادھر کراچی میں 11 اگست 1947ء کو دستور ساز اسمبلی نے پاکستانی پرچم کی منظوری دی جو اخبارات کی مدد سے ان اسکاؤٹس تک پہنچ گئی۔پاکستانی علاقےسے تعلق رکھنے والے اسکاؤٹس نے قریشی محمد اقبال اور عنایت علی گرویزی کو اپنا لیڈر اور ڈپٹی لیڈر چنا اور انہیں یہ ذمے داری سونپی کہ وہ کسی نہ کسی طرح پاکستان کا پرچم تیار کریں۔اس پرچم کے لیے سبز رنگ کا کپڑا شملہ کے ایک ہندو اسکاؤٹ مدن موہن نے اپنی پگڑی سے اور سفید کپڑا ملتان کے ایک اسکاؤٹ عباس علی گرویزی نے اپنی قمیص پھاڑ کر فراہم کیا۔2 فرانیسی گرل گائیڈز نے اس پرچم کو سینے کی ذمے داری سنبھالی اور یوں راتوں رات پاکستان کا پرچم تیار ہو گیا۔ہندوستانی اسکاؤٹس کے لیڈر جی ٹی جے تھیڈیس نے فیصلہ کیا کہ تقریب میں پاکستانی پرچم ایک ہندو اسکاؤٹ دھن مل ماتھر اور بھارتی پرچم قریشی محمد اقبال لہرائیں گے جب کہ اسکاؤٹ تنظیم کا جھنڈا لہرانے کا فریضہ سرفراز رفیقی انجام دیں گے۔چنانچہ 15 اگست 1947ء کو صبح 9 بجے یہ تینوں جھنڈے لہرانے کا تاریخی واقعہ پیش آیا۔یہ پاکستان سے باہر کسی بھی سر زمین پر پاکستانی پرچم لہرائے جانے کی پہلی تقریب تھی۔


News Source   News Source Text

مزید خبریں
پاکستان کی خبریں
مزید خبریں

Meta Urdu News: This news section is a part of the largest Urdu News aggregator that provides access to over 15 leading sources of Urdu News and search facility of archived news since 2008.