خواب سے حقیقت، عامر جمال کا نیٹ بولنگ سے قومی ٹیم تک کا سفر

image

پاکستان کی جانب سے کھیلنے کا خواب لیے نیٹ پر بولنگ کرانے والے نوجوان آل راونڈر عامر جمال آج انگلینڈ کے خلاف اپنا ڈیبیو ٹی ٹوئنٹی میچ کھیلنے جا رہے ہیں۔

پی سی بی نے سوشل میڈیا پر عامر جمال کی ویڈیو شیئر کی ہے جس میں انہوں نے کہا کہ 2019 میں سری لنکا اور بنگلہ دیش کے دورہ کے دوران قومی ٹیم کو بطور نیٹ بولر جوائن کیا۔ اس دوران شوق پیدا ہوا کہ میں بھی قومی ٹیم میں شامل ہو سکتا ہوں۔

ان کا کہنا تھا کہ ڈیبیو کرنے پر بہت خوش ہوں، قومی ٹیم کے کوچ ثقلین مشتاق نے مجھے یہ خوشخبری دی جسے سن کر خوشی سے رونا آ گیا۔

انہوں نے کہا کہ ثقلین مشتاق نے میچ سے متعلق میرے پلان کا پوچھا تو میں نے بتایا کہ اپنی نیچرل گیم کھیلوں گا، اور کپتان کے بتائے ہوئے پلان پر عمل کروں گا۔

عامر جمال نے کہا کہ یہاں تک پہنچنے کے لیے بہت محنت کی، پہلے انڈر 19 کھیلی اس کے بعد چار سال کا وقفہ آ گیا لیکن محنت نہیں چھوڑی خود پر یقین تھا 2018 میں پی ٹی وی کی طرف سے ڈیبیو کیا۔

انہوں نے کہا کہ حال ہی میں ہونے والے ڈومیسٹک میچز میں اچھی کارکردگی دکھائی جس پر ٹیم میں نام آیا۔

 


News Source   News Source Text

مزید خبریں

Meta Urdu News: This news section is a part of the largest Urdu News aggregator that provides access to over 15 leading sources of Urdu News and search facility of archived news since 2008.