Add Poetry

تیرے بغیر ہے جینا دشوار آج کل

Poet: عفان ساحل By: Affan Sahil, Lahore

 تیرے بغیر ہے جینا دشوار آج کل
جی تو لیں گے مگر دِل ہے بے قرار آج کل

جس کے لوٹ آنے کا کوئ امکان نہیں
کر رہا ہوں میں اس کا انتظار آج کل

درد سہہ کر ہی جینا پڑے گا
ملتی نہیں سانسیں ادھار آج کل

تم کان نہ دھرنا میری شکایتوں پر
کوئ بھی نہیں سنتا میری پکار آج کل

اب تمھارے روٹھ جانے کا غم نہیں
زندگی سے میں یوں ہی ہوں بیزار آج کل

یہ طوفان بھی جلد ہی تھم جاۓ گا
بہت تیز ہے وقت کی رفتار آج کل

تباہ و برباد یہ دنیا ہوگئ ہے ساحلؔ
قیامت کا ہے مجھے انتظار آج کل

Rate it:
Views: 1634
20 Dec, 2018
Related Tags on Love / Romantic Poetry
Load More Tags
More Love / Romantic Poetry
تُمہاری یاد میں دِل کا نِظام کس کا تھا تُمہاری یاد میں دِل کا نِظام کس کا تھا؟
یہ اِضطراب، یہ شوقِ دَوام کس کا تھا؟
جو بے نَقاب ہوا خواب میں، بتایا نہیں،
یہ حُسن، یہ نگہِ خوش کَلام کس کا تھا؟
سَکوتِ شَب میں جو دِل کو جَلا گیا آخر،
چَراغ کون تھا، شُعلۂ خام کس کا تھا؟
تُمہارے بعد جو تَنہائی کا سَفر گُزرا،
ہر ایک موڑ پہ سایہ، سَلام کس کا تھا؟
جو لَب ہِلے نہ کبھی، اَشک بَن کے بَہتا رہا،
وہ غَم تُمہارا تھا یا میرا نام کس کا تھا؟
جو زَخم دے کے بھی چُپ تھا، وہ شَخص کیسا تھا؟
نہ پُوچھ مجھ سے، وُہی اِنتقام کس کا تھا؟
دھُواں تھا دِل میں، مَگر روشنی سی باقی تھی،
جَلا جو خواب، وُہی احتشام کس کا تھا؟
جو زِندگی کو بِکھرنے سے روک لیتا تھا،
وہ حَرف، وہ دُعا، وہ کَلام کس کا تھا؟
سُنے بغیر جو خاموش ہو گیا مظہرؔ،
وہ آخری سا دِل آشوب جام کس کا تھا؟
نَظر میں عَکس رہا، دِل میں چُپ سا طُوفاں تھا،
یہ بے قَراری، یہ وَجد و قیام کس کا تھا؟
جو دَستِ غیر سے خط بھی ملا تو حَیرت تھی،
بِکھرتے حَرف میں وہ اِحترام کس کا تھا؟
کہیں سے آئی صَدا، اور سَب لَرز سے گئے،
یہ کَیف، یہ اَثر، یہ پَیام کس کا تھا؟
تُمہیں جو کہتے ہیں مظہرؔ وَفا سے دُور ہوا،
بَتاؤ ان کو، وُہی تو غُلام کس کا تھا؟
MAZHAR IQBAL GONDAL
Popular Poetries
View More Poetries
Famous Poets
View More Poets