Waqt Ki Aankh Se Dekho tu Yeh Bohat Puraani Lagti Hai

Waqt Ki Aankh Se Dekho To' Ye Bohat Puraani Lagti Hy
Tere Mere Ishq Ki Baat' Ab Sirf Kahani Lagti Hy

Ban K Lahu Si Jism Mein Mere' 'Rag Rag Mein Wo Behti Hy
Larki Jo Nadaan Kabi' Aur Kabi Sayaani Lagti Hy

Aik Ehd Par Main Ne Guzaari' Tanha Ne Apni Umar Tamaam
Aaj Koi Soche To Shayad' Bohat Hairaani Lagti Hy

Kehne Ko Gar Kuch Na Ho To' Bass Pecheeda Kar Daalo
Baat Samjh Na Aaye Yahan Jo' Wo Roohaani Lagti Hy

Aur Haseen Hon Ge Dunya Mein' Us Se Barrh Kar Bhi Par MOHSIN
Achi Itni Phir Kyun Mujh Ko' Wo Marjaani Lagti Hy