زندگی یوں ہوئی بسر تنہا
Poet: نذیر تبسم By: عابد, Quettaزندگی یوں ہوئی بسر تنہا
جیسے وادی میں اک شجر تنہا
خوں طلب خواہشوں کے جنگل میں
کیسے کاٹو گے یہ سفر تنہا
چاندنی پتھروں پہ سوتی ہے
چاند پھرتا ہے در بدر تنہا
اپنی شاخوں کے ٹوٹ جانے پر
پیڑ روتے ہیں رات بھر تنہا
خوشبوؤں کی تلاش میں تتلی
اڑ رہی ہے نگر نگر تنہا
کون آئے گا اب نذیرؔ یہاں
دور تک حد رہ گزر تنہا
Rate it: 
Views: 380
21 Jan, 2022
More Sad Poetry
