آؤ کھو جائیں یہاں ۔۔۔۔۔۔۔۔۔۔ آؤ سو جائیں یہاں ( ایک دوگانا)
Poet: Dr.Zahid Sheikh By: Dr.Zahid Sheikh, Lahore,Pakistanشاہد ۔۔۔۔۔۔۔۔۔۔۔۔۔۔۔ آؤ کھوجائیں یہاں ، آؤ کھو جائیں یہاں
سونیا ۔۔۔۔۔۔۔۔۔۔۔۔۔۔۔ آؤ سو جائیں یہاں ، آؤ سو جائیں یہاں
شاہد ۔۔۔۔۔۔۔۔۔۔۔۔۔۔۔۔ یہ جواں رات ، حسیں چاند ، وہ رم جھم کی صدا
اور تنہائی میں لپٹی ہوئی خاموش فضا
آؤ کھو جائیں یہاں، آؤ کھو جائیں یہاں
سونیا ۔۔۔۔۔۔۔۔۔۔۔۔۔۔۔۔ بہکے بہکے سے خیالات ، جوانی کا نشہ
آ رہا ہے ترے پہلو میں محبت کا مز ہ
آؤ سو جائیں یہاں ، آؤ سو جائیں یہاں
شاہد ۔۔۔۔۔۔۔۔۔۔۔۔۔۔۔۔۔دور جھرنوں سے برستے ہوئے پانی کی صدا
وہ چمکتے ہوئے تارے ، یہ نظارے یہ ہوا
آؤ کھو جائیں یہاں ، آؤ کھو جائیں یہاں
سونیا ۔۔۔۔۔۔۔۔۔۔۔۔۔۔۔۔ خوش نصیبی ہے مری تجھ سا جو محبوب ملا
ہو گئی پوری جو مانگی تھی کبھی میں نے دعا
آؤ سو جائیں یہاں ، آؤ سو جائیں یہاں
آؤ کھو جائیں یہاں، آؤ کھو جائیں یہاں
آؤ سو جائیں یہاں ، آؤ سو جائیں یہاں
میں نے گیت نگاری کا جو سلسلہ شروع کیا اسے میرے اکثر دوستوں اور پڑھنے والوںکی طرف سے اچھا رسپونس ملا ہے۔۔۔۔۔۔۔۔۔۔۔۔۔ گیت بھی ایک خوبصورت صنف سخن ہے اور کسی دور میں شعرا ء کرام نے بہت شاندار گیت تخلیق کیے مگر آہستہ اس کا کلاسک حسن ماند پڑتا گیا اور گیتوں میں وہ پہلی سی بات نہ رہی۔۔۔۔۔۔۔۔۔۔۔۔۔۔۔ میری کوشش ہے کہ اس صنف سخن کو پھر سے اس کا جائز مقام عطا کیا جائے کہ ہر طرح کے احساسات و جذبات کے اظہار و بیاں کے لیے اس جیسی کوئی اور صنف شاعری میں نہیں ہے ۔۔۔۔۔۔۔۔۔۔۔۔۔۔۔۔ میں نے اپنے گیتوں کو ایک نئے ڈھنگ سے پیش کرنے کا سوچا ہے کہ اس کے شروع میں مختصر سی منظر نگاری کر دی جائے تاکہ پڑھنے والے گیت کے پس منظر اور سچوئیشن کو سمجھ کر زیادہ لطف اٹھا سکیں ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ شکریہ
اس گیت کا منظر ۔۔۔۔۔۔۔۔ رات کا وقت ، چاندنی پھیلی ہوئی ۔ایک خوبصورت وادی جہاں جھرنوں کی جلترنگ سنائی دے رہی ہے اور ایسے میں دو پیار کرنے والے دل ایک محبت بھرا گیت گا رہے ہیں۔۔۔۔۔۔۔۔۔۔۔لڑکے کا نام شاہد اور لڑکی کا نام سونیا تصور کیا جائے جو فرضی کردار ہیں۔
میرے دل کو ہر لمحہ تیرے ہونے کا خیال آتا ہے
تیری خوشبو سے مہک جاتا ہے ہر خواب میرا
رات کے بعد بھی ایک سہنا خواب سا حال آتا ہے
میں نے چھوا جو تیرے ہاتھ کو دھیرے سے کبھی
ساری دنیا سے الگ تلگ جدا سا ایک کمال آتا ہے
تو جو دیکھے تو ٹھہر جائے زمانہ جیسے
تیری آنکھوں میں عجب سا یہ جلال آتا ہے
میرے ہونٹوں پہ فقط نام تمہارا ہی رہے
دل کے آنگن میں یہی ایک سوال آتا ہے
کہہ رہا ہے یہ محبت سے دھڑکتا ہوا دل
تجھ سے جینا ہی مسعود کو کمال آتا ہے
یہ خوف دِل کے اَندھیروں میں ہی رہتا ہے
یہ دِل عذابِ زمانہ سہے تو سہتا ہے
ہر ایک زَخم مگر خاموشی سے رہتا ہے
میں اَپنی ذات سے اَکثر سوال کرتا ہوں
جو جُرم تھا وہ مِری خامشی میں رہتا ہے
یہ دِل شکستہ کئی موسموں سے تَنہا ہے
تِرا خیال سدا ساتھ ساتھ رہتا ہے
کبھی سکوت ہی آواز بن کے بول اُٹھے
یہ شور بھی دلِ تنہا میں ہی رہتا ہے
یہ دِل زمانے کے ہاتھوں بہت پگھلتا ہے
مگر یہ درد بھی سینے میں ہی رہتا ہے
ہزار زَخم سہے، مُسکرا کے جینے کا
یہ حوصلہ بھی عجب آدمی میں رہتا ہے
مظہرؔ یہ درد کی دولت ہے بس یہی حاصل
جو دِل کے ساتھ رہے، دِل کے ساتھ رہتا ہے
