آنکھوں کے کٹوروں میں

آنکھوں کے کٹوروں میں سمندر لئے پھرنا
اچھا نہیں اے دوست یوں ساغر لئے پھرنا

کردی تمھارے عدل نے سزا یہ مقرر
میت اپنی کاندھوں پہ اٹھا کر لئے پھرنا

لوگ الزام دھریں گے سبھی تجھ پر میرے دل کا
ہاتھوں میں اٹھا کر نہ یوں پتھر لئے پھرنا

اب ہوش و حواس کیسے ہو قائم ذرا بتا
جب دل میں خیال یار کا پیکر لئے پھرنا

ہوتا ہوں محفلوں میں جب تنہائی ہو نصیب
صادق درد و الم کا یہ لشکر لئے پھرنا