آ تو سکتا ہے پَر نہیں آتا

آ تو سکتا ہے پَر نہیں آتا
یار کیوں میرے گھر نہیں آتا

مُجھ کو میری خَطا تو بَتلا دے
وہ جو بالکل نَظَر نہیں آتا

شَرم آتی ہے ایسا کہنے سے
مُجھ کو جاں، دِل، جِگَر نہیں آتا

کیوں مدد مانگتا ہے غیروں سے
کیوں مِرے بام پَر نہیں آتا

توڑ کر دِل کسی کا خُوش رہنا
مُجھ کو ایسا ہُنَر نہیں آتا

یُوں تو خالِق دِکھائ دیتا ہے
میرے دِل میں اُتر نہیں آتا

لے جا مظلُوم کو ہی عِزائیل
گر تُو ظالم کے گھر نہیں آتا

چھین لاۓ حقُوق لوگوں کے
ایسا لیڈر نِڈر نہیں آتا

جو بھی جاتا ہے چھوڑ کر باقرؔ
جانے کیوں لوٹ کر نہیں آتا.
.
.