ابھی پروں میں اڑانوں کا زور زندہ ہے
Poet: rafiq sandeelvi By: rashid sandeelvi, islamabadابھی پروں میں اڑانوں کا زور زندہ ہے
اداس چاند سے کہ دو چکور زندہ ہے
میں اپنے گھر کی صدائوں کو مار بیٹھا ہوں
مگر پڑوس میں لوگو ں کا شور زندہ ہے
دلہن نے یاس کے عالم میں خود کشی کر لی
جہیز جس نے چرایا وہ چور زندہ ہے
گلی میں شور بپا ہے مکیں کے مرنے کا
مگر وہ دفن ہے ملبے میں اور زندہ ہے
خدا کا شکر کہ فالج زدہ زمانے میں
میں مرتعش ہوں مری پور پور زندہ ہے
Rate it: 
Views: 1232
07 Oct, 2011
More Love / Romantic Poetry
غزل آنکھوں پہ کھلے حسنِ شفق فام کسی شام
روشن ہوں مرے گھر کے در و بام کسی شام
اے پیکرِ مخمور تری مدھ بھری آنکھیں
کر دیں نہ مجھے بھی قدح آشام کسی شام
دیکھے مجھے حیرت سے پگھلتا ہوا خورشید
سن کر لبِ جاناں سے مرا نام کسی شام
آ جائے مرے پاس وہ مصروفِ زمانہ
مل جائے مری روح کو آرام کسی شام
میں سست روی سے اسے لے جاؤں سحر تک
پڑ جائے اسے مجھ سے کوئی کام کسی شام
بھر کاسۂِ امید کو سوغاتِ یقیں سے
کر دور ملاقات کا ابہام کسی شام
گزرے ہوئے اوقات نہیں آتے کبھی ہاتھ
بہتے ہوئے لمحات قمرؔ تھام کسی شام
روشن ہوں مرے گھر کے در و بام کسی شام
اے پیکرِ مخمور تری مدھ بھری آنکھیں
کر دیں نہ مجھے بھی قدح آشام کسی شام
دیکھے مجھے حیرت سے پگھلتا ہوا خورشید
سن کر لبِ جاناں سے مرا نام کسی شام
آ جائے مرے پاس وہ مصروفِ زمانہ
مل جائے مری روح کو آرام کسی شام
میں سست روی سے اسے لے جاؤں سحر تک
پڑ جائے اسے مجھ سے کوئی کام کسی شام
بھر کاسۂِ امید کو سوغاتِ یقیں سے
کر دور ملاقات کا ابہام کسی شام
گزرے ہوئے اوقات نہیں آتے کبھی ہاتھ
بہتے ہوئے لمحات قمرؔ تھام کسی شام
Qamar Aasi
