انہیں آج میں نے دیکھا

انہیں آج میں نے دیکھا سر ِ راہ چلتے چلتے
وہ نظر میں بس گئے ہیں نہیں دل سے اب نکلتے

حسیں اور بھی بہت تھے مگر ان کی بات کیا تھی
اگر کچھ نیا نہ ہوتا تو نظر میں وہ نہ بستے

مجھے پہلی ہی نظر میں وہ کر گئے تھے گھائل
اگر جانتے وہ مجھ کو نہ کبھی وہ یوں سنورتے

بڑا ناز تھا انہیں جو حسن و ادا پہ اپنی
کوئی ان کو دیکھتا کیوں جو لہک کے وہ نہ چلتے

ہمیں قرب کی تمنا اسی پیار کے سبب تھی
جو تڑپ نہ ہوتی دل میں وہ ہمیں نہ زیر کرتے

نا مہرباں تھی قسمت جو مل گئے وہ مجھ کو
نہ ان کو دیکھا ہوتا نہ آج ان پہ مرتے

چلے تیر دل پہ میرے اسی بے حسی کے مارے
اگر التفات کرتے مرے دل کے زخم بھرتے

بہت مجھ سے دور ہیں وہ میرے دل میں بس رہے ہیں
بھلا پیار کے بنا ہم انہیں یاد کیسے کرتے

اوصاف کے لہو میں اشعار دوڑتے ہیں
خوشی ہم کو اور ہوتی وہ اگر پسند کرتے