Add Poetry

اُن کا سِتم کبھی تو کرم میں چھپا ہوا

Poet: عبدالحفیظ اثر By: عبدالحفیظ اثر, Mumbai, India

اُن کا سِتم کبھی تو کرم میں چھپا ہوا
اٌن کا کرم کبھی تو سِتم سے ملا ہوا

چشمِ کرم سے اُن کی مقدّر سنور جائے
جیسے بہار میں تو چمن ہی کِھلا ہوا

بلبل سے کوئی پوچھے محبت کی داستاں
سب کچھ لٹا کے گل پہ نہ کچھ بھی گِلہ ہوا

پروانوں کو خِرد سے نہ مطلب بھی ہے کوئی
دل کی صدا پہ خود کو مٹانا رَوا ہوا

آساں نہیں ہے دل میں کسی کو بسا لینا
دل میں تو غیر کا ہی تأثر جما ہوا

کشتی پھنسی بھنور میں کنارا نہ مل سکا
اُن سے کبھی جو اپنا تعلق جدا ہوا

اُن کے سِوا کسی کا تصور نہ اثر کو
اٌن کی ہی یاد کا دِیا دل میں جلا ہوا

Rate it:
Views: 378
02 Oct, 2022
Related Tags on Love / Romantic Poetry
Load More Tags
More Love / Romantic Poetry
تُمہاری یاد میں دِل کا نِظام کس کا تھا تُمہاری یاد میں دِل کا نِظام کس کا تھا؟
یہ اِضطراب، یہ شوقِ دَوام کس کا تھا؟
جو بے نَقاب ہوا خواب میں، بتایا نہیں،
یہ حُسن، یہ نگہِ خوش کَلام کس کا تھا؟
سَکوتِ شَب میں جو دِل کو جَلا گیا آخر،
چَراغ کون تھا، شُعلۂ خام کس کا تھا؟
تُمہارے بعد جو تَنہائی کا سَفر گُزرا،
ہر ایک موڑ پہ سایہ، سَلام کس کا تھا؟
جو لَب ہِلے نہ کبھی، اَشک بَن کے بَہتا رہا،
وہ غَم تُمہارا تھا یا میرا نام کس کا تھا؟
جو زَخم دے کے بھی چُپ تھا، وہ شَخص کیسا تھا؟
نہ پُوچھ مجھ سے، وُہی اِنتقام کس کا تھا؟
دھُواں تھا دِل میں، مَگر روشنی سی باقی تھی،
جَلا جو خواب، وُہی احتشام کس کا تھا؟
جو زِندگی کو بِکھرنے سے روک لیتا تھا،
وہ حَرف، وہ دُعا، وہ کَلام کس کا تھا؟
سُنے بغیر جو خاموش ہو گیا مظہرؔ،
وہ آخری سا دِل آشوب جام کس کا تھا؟
نَظر میں عَکس رہا، دِل میں چُپ سا طُوفاں تھا،
یہ بے قَراری، یہ وَجد و قیام کس کا تھا؟
جو دَستِ غیر سے خط بھی ملا تو حَیرت تھی،
بِکھرتے حَرف میں وہ اِحترام کس کا تھا؟
کہیں سے آئی صَدا، اور سَب لَرز سے گئے،
یہ کَیف، یہ اَثر، یہ پَیام کس کا تھا؟
تُمہیں جو کہتے ہیں مظہرؔ وَفا سے دُور ہوا،
بَتاؤ ان کو، وُہی تو غُلام کس کا تھا؟
MAZHAR IQBAL GONDAL
Popular Poetries
View More Poetries
Famous Poets
View More Poets