اِس طرح سے وہ مرے دِل کو سزا دیتا ہے

اِس طرح سے وہ مرے دِل کو سزا دیتا ہے
وعدہ کرتا ہے مگر کر کے بھلُا دیتا ہے

ساری دنیا میں نہیں اس کا بدل مِل سکتا
پیار میں تھوڑا سا شکوہ جو مزہ دیتا ہے

جِن کو رُکنا ہی نہِیں ہوتا کِسی ایک جگہ
کون اُن خانہ بدوشوں کو صدا دیتا ہے

عمر بھر رہتا نہیں کویٔ بھی صدمہ باقیٔ
وقت ہر دِل پہ لگے گھاؤ مِٹا دیتا ہے

لڑکیاں کھیل کے ہوتی ہیں جسِ آ نگن میں بڑی
پیار بابل کا وہ آ نگن بھی چھڑا دیتا ہے

ایک کم ظرف کو جِس درجہ بھی عزِت دے دو
وقت آنے پہ وہ اوقات دِکھا دیتا ہے