اے دوست تجھکو پا کے بڑی الجھنوں میں ہوں

اے دوست تجھکو پا کے بڑی الجھنوں میں ہوں
میں قربتوں میں ہوں یا ابھی فاصلوں میں ہوں

یہ زندگی تو بحرِ تلاطمُ ہے ، اور میں
یادوں کی ٹوٹی پھوٹی ہوئی کشتیوں میں ہوں

اے شہرِ بے اَماں ، مرِی دیوانگی نہ پوچھ
لگتا ہے مجھکو ایسا کہ میں پاگلوں میں ہوں

یہ فیس بکُ کا فیض ہے ہم پر کہ اِن دنوں
میں تجھ سے لاکھ دور سہی ، رابطوں میں ہوں

گرچہ میں مشتِ خاک ہوں، تارا نہیں ہوں میں
لیکن اے آسمان ترِی وُسعتوں میں ہوں

مدت سے یہ زمین بھی کربَ و بلاَ میں ہے
مدت سے میں بھی سلسلہء کشتَ وخوںُ میں ہوں