بات نکلے گی تو

بات نکلے گی تو پھر دور تک جائے گی
لوگ بے وجہ اداسی کا سبب پوچھیں گے
پھر پوچھیں گے کہ تم اتنے پریشاں کیوں ہو

انگلیاں اُٹھیں گی سوکھے ہوئے بالوں کی طرف
ایک نظر دیکھیں گے گزرے ہوئے سالوں کی طرف

چوڑیوں پر بھی کئی طنز کئے جائیں گے
کانپتے ہاتھوں پر بھی فقرے کسے جائیں گے

لوگ ظالم ہیں ہر اک بات کا طعنہ دیں گے
باتوں باتوں میں میرا ذکر بھی لے آئیں گے

اُن کی باتوں کا ذرا سا بھی اثر مت لینا
ورنہ چہرے کے تاثرات سے سمجھ جائیں گے

چاہے کچھ بھی ہو سوالات نہ کرنا اُن سے
میرے بارے میں کوئی بات نہ کرنا اُن سے
بات نکلے گی تو پھر دور تک جائے گی