تحفہء خاص
Poet: usman jamaie By: usman jamaie, karachi اک عجیب رشتہ ہے
پاس روح کے گویا، دور آسماں جیسا
رات کی عبادت سا، صبح کی اذاں جیسا
پُروقار مسجد سا، معتبر ہے ماں جیسا
مطمئن فرشتوں کے قلبَ ضوفشاں جیسا
مضطرب سمندر کی موجِ بے کراں جیسا
سامنے کے منظر سا اور کبھی گُماں جیسا
زندگی کا سرمایہ، عمرِرائیگاں جیسا
اک عجیب رشتہ ہے
سارے لفظ عاجز ہیں
نام ہو نہیں سکتا
خاص مجھ پہ اُترا ہے
عام ہو نہیں سکتا
Rate it: 
Views: 604
28 Jun, 2013
More Love / Romantic Poetry
