تمہارے ضبط کو کیوں اور آزماؤں گی

نہ پوچھ دیکھ کے کتنا ملال ہوتا ہے
کہ درد و غم پہ چہرہ ہی لال ہوتا ہے

تمہارے ضبط کو کیوں اور آزماؤں گی
تمہارے صبر کا ہمدم خیال ہوتا ہے

مری حیات میں اے رنگ بھرنے والے سن
مدام تجھ کو وفا کا سوال ہوتا ہے

ہمیں یہ ضد ہے کہ تجھ سے کبھی نہ مانگیں گے
تمہارے وصل کا منظر زوال ہوتا ہے

نہ جانے تیری کیسی وفا آشنائی ہے
یہ ہم پہ جو سدا ایسا زوال ہوتا ہے

پڑھا کرو اسے دل کی نگاہ سے ہر بار
تمہارے نام ہی اپنا کمال ہوتا ہے

مرے حواس پہ چھایا ہے کتنا سناٹا
نکلنا گھر سے اب اپنا محال ہوتا ہے