تم سچے سے لگتے ہو

تم سچے سے لگتے ہو
مگر محبت سے ڈرتے ہو

اکثر کھوئے سے رہتے ہو
کیا بات سوچتے رہتے ہو

ہو نہ جاؤ راکھ تم
کیوں تنہا تنہا جلتے ہو

اک بات کہوں تم سے
میرے دل میں رہتے ہو

کیوں تکتے ہو چاند کو
کب رات کو سوتےہو

کتنی حیرت سی ہوتی ہے
مجھے دیکھ کر جب رکتے ہو

اچھا لگا یہ جان کر
تم یاد مجھکو کرتے ہو

پیار نہیں جب مجھ سے
کیوں پھر تم لڑتے ہو

کھو جاتی ہوں اسوقت
مجھ سے جب تم ملتے ہو

ہوائیں ٹھر جاتی ہیں
میرے ساتھ جب چلتے ہو