تم چلے جاؤ یہ دِل خود ہی سنبھل جاۓ گا
Poet: Azra Naz By: Azra Naz, Reading UKتم چلے جاؤ یہ دِل خود ہی سنبھل جاۓ گا
ورنہ بچے کی طرح پھر سے مچل جاۓ گا
عمر بھر پھر سے نہیں ہاتھ میں آنے والا
وقت کے ہاتھ سے لمحہ جو پھسل جاۓ گا
وقت بدلا تو چلو بدلا کویٔ بات نہیں
کیا خبر تھی تِرا لہجہ ہی بدل جاۓ گا
دِل تِرا پگھلا نہیں ہم نے مگر سوچا تھا
وقت کے ساتھ یہ پتھر بھی پگھل جاۓ گا
اور تو کچھ بھی نہ بن پاۓ گا مزدوری سے
اِک دو دِن گھر کا مگر چولہا تو جل جاۓ گا
ماں نہ جِس روز رہی زندہ جہاں میں عذراؔ
گھر سے برکت کا خزانہ بھی نکل جا ۓ گا
Rate it: 
Views: 608
19 Dec, 2012
More Sad Poetry
