تیرے بغیر کچھ نہیں

تیرے بغیر کچھ نہیں
دل تیرے اختیا ر میں ایسے
   کہ میر ا اپنا آُ پ کچھ نہیں   
میرے دستِ دعا میں تیرا چہرا
میری شبِ خلوت میں گل رُسوں کا سجدہ نشین تو ہی ٹھہرا
مجھ میں سمٹے ہو ایسے کوبکو
   تیرے بغیر جہاں میں بچا کچھ نہیں   
عجب عرضِ حال ہے آنکھوں کا
پلکوں کی زمیں میں تو ہی بہتا ہے
دن رات کے بکھرنے میں
یہ دشتِ ویراں، تیری تمنا اور یہ پاگل پن
اِس قدر تو ہے اُ ترا میری ہتھیلی میں
کہ دست جب بھی اُٹھیں
   میرے دستِ دعا میں کچھ نہیں   
تیرے نہ ملنے کا دُکھ ، وصل کی ویرانی ، دہکتے ا شکو ں کی کہانی
تسلسل تیری یادوں کا ، خوابیدہ سی آنکھیں
یہ سب حال ہے تیرے بغیر
کیسے گزریں یہ ماہ وسال ،،،،تیرے بغیر میرے مسیحا
   جیسے میں نے جیا کچھ نہیں   
میں شاعر جو ہو ں تو ہے شاعری میری
میں سرمدی احساس میں ڈوبی ، تو کہ شبِِِ آسودگی میری
نگاہیں نیچے رکھے ، مجسم گوش رہتی ہوں
محبت کی ردا اُڑوھے،تجھے ہی مانگتی رب سے،
تو دیوتا ،میرے تنہا جزیرہ رازداروں کا
تو ہی ٹھہر چکا مجھ میں فقط
   کہ میری ذات میں رہا کچھ نہیں