جانو

خود کو تیرا اور تمہیں اپنا بنا لوں جانو
دل یہ چاہے میں تمہیں تم سے چرا لوں جانو

تم چھپ جاؤ مجھے دیکھ کے شرماتے ہوئے
میں خوشبو سے تمہاری تمہیں پا لوں جانو

پیار کی عمر ہے یہ پیار کا موسم اور ہم
بام و در کیوں نا گلابوں سے سجا لوں جانو

پیار سے تھام کے ہاتھوں میں تمہارا چہرہ
دیر تک دیکھوں نگاہوں میں رچا لوں جانو

کوئی بدلے میں تمہارے جو خدائی رکھ دے
میں تڑپ کر تمہیں سینے سے لگا لوں جانو