جے سجن بنیاں تےوگاڑٰیں ناں

جےسجن بنیاں اےتےوگاڑیں ناں
میری ہسدی وسدی دنیااجاڑیں ناں

تیرےدل چ جہیڑی میری چگی اے
دشمناں دیاں گلاں سن کےساڑیں ناں

تینوں اپناسمجھ کےپھل ورگادل دتا
ویکھیں اینہوں پیراں ہیٹھ لتاڑیں ناں

اسی پہلاں ای زندگی ہتھوں مرےآں
کتھےتوں وی سانوں دھتکاریں ناں

تینوں وی لوکاں اصغروانگ پاگل کہنا
کسےدے پیار چ اپنا چگاپھاڑیں ناں

بندےدے دل چ کئی لوکاں دےگھرہوندے
توں بھل کےوی اونہاں نوں اجاڑیں ناں