حسن کی لن ترانیاں توبہ

حسن کی لن ترانیاں ۔۔۔۔۔۔توبہ
عشق کی سرگرانیاں ۔۔۔۔۔۔توبہ

تم سے بڑھ کے بھی حسیں۔۔ کوئی
شیخ کی بد گُمانیاں ۔۔۔۔۔۔۔۔توبہ

دل کہ روشن ہے طُور کی۔۔۔ مانند
آپ کی ضوفشانیاں۔۔۔۔۔۔ توبہ

درد سارا عیاں ہے چہرے ۔۔سے
اہلِ غم کی نشانیاں ۔۔۔۔۔۔۔توبہ

دل کی کشتی بھی ڈوبنے ۔۔۔کو ہے
چشمِ غم کی روانیاں۔۔۔۔۔۔ توبہ

ترس کھانے لگے ہیں دشمن۔ بھی
آپ کی مہربانیاں۔۔۔۔۔۔۔ توبہ

کون قاتل ہے سب نے جان ۔لیا
زخم کی بے زبانیاں۔۔۔۔۔ توبہ

چین پڑتا نہیں کسی۔۔۔۔۔۔پہلو
دل کی ایذارسانیاں۔۔۔۔۔ توبہ

میرے منہ پہ سراہتا ہے تمہیں
میرے دل کی شیطانیاں ۔۔توبہ

مسلسل کرتا ہے آپ کی تعریف
دل کی رطب اللسانیاں۔۔۔توبہ

ہر دم کرتا ہے آپ ہی کو۔۔۔یاد
دل پہ یہ حکمرانیاں۔۔۔۔توبہ

میرے قصّے اَگر تو ۔۔سّچے ہیں
آپ کی کہانیاں۔۔۔۔۔۔توبہ

اُن کےچہرے پہ کئی چہرے ہیں
وسیم جی کی حیرانیاں ۔۔۔توبہ