حسین وقت میری جاں نہ بھول پائے گا (دوگانا)

لڑکا
۔۔۔۔۔۔۔ ۔ ۔ ۔

جو تیرے ساتھ گزارا وہ یاد آئے گا
حسین وقت مری جاں نہ بھول پائے گا

تری نظر میں جو میرے لیے محبت ہے
یہ لگ رہا ہے محبت نہیں عقیدت ہے

جہاں رہوں گا مجھے پیار یہ ستائے گا
حسین وقت مری جاں نہ بھول پائے گا

میں جا رہا ہوں کہ جانا ہے میری مجبوری
یہی نصیب میں لکھا ہے ہم میں ہو دوری

ترا خیال سدا دل مرا جلائے گا
حسین وقت مری جاں نہ بھول پائے گا

جو تیرے ساتھ گزارا ہے یاد آئے گا
حسین وقت مری جاں نہ بھول پائے گا

لڑکی
۔۔۔۔۔۔۔۔ ۔ ۔ ۔

تمھارے ساتھ جو گزرا وہ یاد آئے گا
محبتوں کا زمانہ نہ بھول پائے گا

جو ہو سکے تو ٹھہر جاؤ التجا ہے مری
سنو تو درد میں ڈوبی ہوئی صدا ہے مری

خبر نہ تھی کہ کبھی وقت یوں رلائے گا
محبتوں کا زمانہ نہ بھول پائے گا

تمھارے بن یہ مری زندگی بھی کیا ہو گی
ناکردہ جرم کی میرے لیے سزا ہو گی

تمھارا غم ہی مری زندگی مٹائے گا
محبتوں کا زمانہ نہ بھول پائے گا

تمھارے ساتھ جو گزرا وہ یاد آئے گا
محبتوں کا زمانہ نہ بھول پائے گا