خوشیوں سے بھرا رہے امیدوں کا چمن

تیری زندگی میں مسرتوں کی روانی رہے
میرے دل پہ ہمیشہ تیری ہی کامرانی رہے

تو میری ہر سوچ میں سمائی رہے
میرے خیالوں پہ تیری حکمرانی رہے

ہر سمت خوشیوں کی برساتیں برسیں
مگرتیری آنکھوں میں کبھی نہ پانی رہے

میرے دل سے لےکر تمہارے دل تک
محبت کہ ساگر کی سدا روانی رہے

تیرےمیٹھے بول کانوں میں رس گھولیں
تیرے لہجے میں ایسی خوش بیانی رہے

خوشیوں سے بھرا رہےامیدوں کا چمن
تیرے جیون کہ گلزار میں نہ ویرانی رہے